كەزدەسۋ بارىسىندا پرەمەر-مينيستر س.احمەتوۆ مەملەكەت باسشىسىنا ەلىمىزدىڭ 2013 جىلعى الەۋمەتتىك-ەكونوميكالىق دامۋىنىڭ قورىتىندىلارى مەن نەگىزگى ماكروەكونوميكالىق كورسەتكىشتەر تۋرالى باياندادى, سونداي-اق يندۋستريالىق-يننوۆاتسيالىق باعدارلامانىڭ ەكىنشى كەزەڭىن ازىرلەۋ بارىسى جونىندە مالىمدەدى.
كەزدەسۋ بارىسىندا پرەمەر-مينيستر س.احمەتوۆ مەملەكەت باسشىسىنا ەلىمىزدىڭ 2013 جىلعى الەۋمەتتىك-ەكونوميكالىق دامۋىنىڭ قورىتىندىلارى مەن نەگىزگى ماكروەكونوميكالىق كورسەتكىشتەر تۋرالى باياندادى, سونداي-اق يندۋستريالىق-يننوۆاتسيالىق باعدارلامانىڭ ەكىنشى كەزەڭىن ازىرلەۋ بارىسى جونىندە مالىمدەدى.
مەملەكەت باسشىسى «قازاقستان-2050» ستراتەگياسىن ورىنداۋدىڭ ناقتى جولدارىن ءازىرلەۋدىڭ, سونداي-اق قاشاعان مەن قاراشىعاناق ءتارىزدى ءىرى جوبالار اينالاسىندا وندىرىستىك ينفراقۇرىلىمدار اياسىن ۇلعايتا وتىرىپ ولاردى ودان ءارى ىسكە اسىرۋدىڭ ماڭىزدىلىعىن اتاپ ءوتتى.
نۇرسۇلتان نازارباەۆ ەنەرگەتيكانى دامىتۋعا, ماڭىزدى ينفراقۇرىلىمدىق جوبالاردى جۇزەگە اسىرۋعا نازار اۋداردى. بۇل ورايدا, مەملەكەت باسشىسى ۇكىمەتتىڭ اسا ماڭىزدى مىندەتتەرى ازاماتتاردىڭ ءال-اۋقاتىن ارتتىرۋ, جۇمىسپەن قامتۋ جانە قازاقستاندىقتاردىڭ الەۋمەتتىك كوڭىل كۇيى جوعارى بولۋىن قامتاماسىز ەتۋ بولىپ قالا بەرەتىنىنە توقتالدى.
پرەمەر-مينيستر 2013 جىلدىڭ قورىتىندىسى بويىنشا ەكونوميكانىڭ ءوسىمى 6% بولعانىن, ينۆەستيتسيا كولەمى 6,5%-عا, ونەركاسىپ ءوندىرىسى 2,3%-عا, قۇرىلىس كولەمى 3%-عا, جالپى اۋىلشارۋاشىلىق ونىمدەرىن ءوندىرۋ 11,6%-عا ۇلعايعانىن ايتتى. بۇعان قوسا, جۇمىسسىزدىق دەڭگەيى – 5,2%, ينفلياتسيا دەڭگەيى 4,8% بولدى.
سونداي-اق, س.احمەتوۆ يندۋستريالاندىرۋ باعدارلاماسىن ىسكە اسىرۋدىڭ كەلەسى كەزەڭى ازىرلەنىپ جاتقاندىعىن, وندا ەكونوميكانىڭ نەگىزگى سالالارىن ارتاراپتاندىرۋعا, كلاستەرلەردى دامىتۋعا, سونداي-اق, تەحنولوگيالار مەن يننوۆاتسيالار ترانسفەرتىنە ەرەكشە نازار اۋدارىلاتىنىن ايتتى.
كەزدەسۋ قورىتىندىسىندا مەملەكەت باسشىسى قارالعان ماسەلەلەر بويىنشا بىرقاتار تاپسىرمالار بەردى, دەپ حابارلادى پرەزيدەنتتىڭ ءباسپاسوز قىزمەتى.
سۋرەتتى تۇسىرگەندەر
س.بوندارەنكو, ب.وتارباەۆ.
