تۋريزم • 28 شىلدە، 2021

تۋريستىك قىزمەتتى جانداندىرادى

120 رەت كورسەتىلدى

ورتالىق كوممۋنيكاتسيالار قىزمەتىندە مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسپەكوۆ، Kazakh Tourism ۇلتتىق كومپانياسى باسقارماسىنىڭ توراعاسى ەرجان ەركىنباەۆ جانە قازاقستان تۋروپەراتورلار قاۋىمداستىعىنىڭ باسشىسى يننا رەيدىڭ قاتىسۋىمەن «تۋريستىك قىزمەت تۋرالى زاڭناماعا قابىلدانعان وزگەرىستەر تۋرالى» ارنايى جيىن ءوتتى.

وسى جىلدىڭ ساۋىرىندە مەم­لەكەت باسشىسى قاسىم-جومارت توقاەۆ «قازاقستان رەسپۋب­لي­كا­سىنىڭ كەيبىر زاڭنامالىق اك­تىلەرىنە تۋريستىك قىزمەت ما­سە­لەلەرى بويىنشا وزگەرىستەر مەن تو­لىقتىرۋلار ەنگىزۋ تۋرالى» زاڭعا قول قويعانى بەلگىلى. اتال­عان زاڭدا 20 نورماتيۆتىك-قۇ­قىق­تىق اكتىگە وزگەرىستەر مەن تولىقتىرۋلار ەنگىزىلدى. سو­نى­مەن قا­تار تاۋەلدى 30-دان اس­تام اك­تىگە وز­گەرىستەر ەنگىزۋ جانە ج­ا­­ڭاسىن ازىرلەۋ كوزدەلگەن بولاتىن.

زاڭدا كەلۋ ءتۋريزمىن، ينۆەستي­تسيالاردى ىنتالاندىرۋعا، تۋ­ريستىك ينفراقۇرىلىمدى جاق­سار­تۋعا جانە قىزمەت كورسەتۋ ساپاسىن ارتتىرۋعا باعىتتالعان سالانى مەملەكەتتىك قولداۋدىڭ تەڭدەسسىز شارالارى كورسەتىلگەن.

بۇل – تۋروپەراتورلاردى ءاربىر شەتەلدىك تۋريست ءۇشىن سۋبسيديالاۋ، تۋريستىك وبەكتىلەر مەن جول بو­يىنداعى سەرۆيس وبەكتىلەرىن سالۋ كەزىندە تاۋ شاڭعىسى بازالارى مەن تۋراۆتوبۋستارعا ارنالعان جابدىقتاردى ساتىپ الۋعا سالعان ينۆەستورلاردىڭ شىعىندارىن وتەۋ، سونداي-اق تۋردەستيناتسيالاردا سانيتاريالىق-گيگيەنالىق توراپتاردى كۇتىپ-ۇستاۋدى سۋبسيديالاۋ سىندى شارالار.

بۇگىنگى تاڭدا قازاقستاندىق تۋروپەراتورلاردىڭ جۇمىسى كوش­پەلى تۋريزمگە باعىتتالعان. ەندى تۋروپەراتورلاردىڭ كەلۋ ءتۋريزمى بويىنشا جۇمىسىن ىنتالاندىرۋ ءۇشىن حالىقارالىق تاجىريبە نە­گىزىندە ءاربىر شەتەلدىك تۋريست ءۇشىن تۋروپەراتورلاردى 15 مىڭ تەڭ­گە مولشەرىندە سۋبسيديالاۋ ەنگى­زىلىپ جاتىر.

سونىمەن قاتار قازاقستاندا وتباسىلىق دەمالىستى ىنتالان­دىرۋ ماقساتىندا ىشكى اۋە مار­شرۋت­تارىندا بالالاردى تاسىمالداۋ اقىسىن وتەۋ دە KIDS GO FREE باع­دارلاماسى ارقىلى جۇ­زەگە اسىرىلادى.

اتالعان باعدارلاماعا ساي­كەس، ەكى جاستان 14 جاسقا دەيىنگى بالالارعا قازاقستانداعى توپ-10 تۋ­ريستىك ايماققا تەگىن اۋە بي­لەت­تەرى بەرىلەدى. باع­دار­لا­مانىڭ ماق­­ساتى – قازاق­ستان­دىقتارعا ەلى­مىزدىڭ تۋريستىك ايماقتارىندا بۇكىل وتباسىمەن دەمالۋعا مۇم­كىن­دىك جاساۋ.

قازاقستاننىڭ تۋروپەراتورلار قاۋىمداستىعىنىڭ باسشىسى يننا رەيدىڭ ايتۋىنشا، تۋريزم كوپتەگەن ەلدە ەكونوميكانىڭ درايۆەرىنە اينالدى.

«تۋريزم نارىعى مەملە­كەت­تىڭ مۇنداي قولداۋىن كوپ­تەن كۇتتى. KIDS GO FREE جۇيەسى ازا­مات­تاردىڭ ەل ىشىندە ساياحاتتاۋعا دەگەن قىزىعۋشىلىعىن وياتادى. بۇل جەردە تۋروپەراتورلاردىڭ تۋرلاردى تانىتۋعا قاتىسۋىن قولداۋ وتە ماڭىزدى»، دەدى ي.رەي.

شەتەلدىك تۋريستەر ءۇشىن كوشى-قون رەجىمىن بارىنشا جەڭىلدەتۋ ماق­ساتىندا قازاقستاندا قوناق­ۇيلەرگە ورنالاسۋ كەزىندە الىنعان ما­لىمەتتەردى ۇقك بۇركىت جۇ­يەسىمەن جانە ءىىم ۆيزالىق-كوشى-قون پورتالىمەن اۆتوماتتى رە­جىم­دە بىرىكتىرۋگە مۇمكىندىك بە­رەتىن ە-qonaq جۇيەسى ازىرلەندى. جۇيە قازىردىڭ وزىندە نۇر-سۇل­تان، الماتى قالالارىندا، سقو جانە اقمولا وبلىسىنداعى 323 قوناقۇيدە ەنگىزىلگەن. جىل سو­ڭىنا دەيىن ەلىمىزدىڭ باسقا دا تۋريستىك ايماقتارىن قامتىپ، ە-qonaq جۇيە­سى بار قوناقۇيلەر سانىن 600-گە دەيىن جەتكىزۋ جوس­پارلانعان.

Kazakh Tourism باسقارما توراعاسى ەرجان ەركىنباەۆ قازاق­ستانداعى تۋريستىك قىزمەت تۋرالى زاڭناماعا وزگەرىستەر ەن­گىزۋ اياسىندا وتاندىق تۋرلاردى ساتۋ ءۇشىن ونلاين پلاتفورمانى ىسكە قوسۋ جوسپارلانعانىن اتاپ ءوتتى.

«بۇدان بىلاي قازاقستانداعى گيدتەردىڭ جۇمىسىنا ەرەكشە كوڭىل بولىنەدى. قازىرگى تاڭدا گيدتەردىڭ ءبىلىمى، ولاردىڭ تۋريستەرمەن قارىم-قاتىناسى تۋرالى ەشكىم بىلمەيدى. وسىعان بايلانىستى قۇزىرەتتىلىك بويىنشا كوپتەگەن سۇراق تۋىندايدى. سونداي-اق ەل اۋماعىندا شەت­ەلدىك ازاماتتاردىڭ گيد قىزمەتىن كورسەتۋ فاكتىلەرى بار. بۇل – زاڭ­سىز قىزمەت. وسىنداي ماسەلەلەردى شەشۋ ءۇشىن Kazakh Tourism ونلاين جۇيەنى ەنگىزۋدى ۇسىندى. وندا گيدتەر ءوز بىلىمدەرىن مەر­زىمدى تۇردە راستاپ وتىرادى، تۋريستەر ءۇشىن قاجەتتى اقپارات بار. مىسالى، قانداي ءتىلدى مەڭگەرگەنى، دايىندىق دەڭگەيى، تۋ­ريستەردىڭ پىكىرى تۋرالى جانە ت.ب. اقپارات كور­سەتىلگەن جەكە پاراقشا بولادى. گيدتەردى ساي­كەس­تەندىرۋ ىڭ­عايلى بولۋ ءۇشىن ارقايسىسىنىڭ وزىندىك بىرەگەي QR كودى بولادى، ول گيدتىڭ پرو­فيلىنە اپارادى»، دەدى ە. ەركىنباەۆ.

جيىن سوڭىندا Kazakh Tourism ۇك اق باسشىلىعى مۇن­­داي جا­ڭالىقتاردى ەنگىزۋ تۋريستىك قىز­مەت­تەر نارىعىن قا­­زاقستاندا با­رىنشا اشىق ەتە­تىنىنە سەنىم ءبىلدىردى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار