2021 جىلدىڭ 6 شىلدەسىندە شىمكەنت قالاسىنىڭ ءال-فارابي اۋدانى قازىبەك بي كوشەسىندە بەلگىسىز جۇرگىزۋشى كولىكتى باسقارىپ كەلە جاتىپ, 60 جاستاعى ادامدى قاعىپ كەتكەن. ورىن العان وقيعانىڭ سالدارىنان جاياۋ جۇرگىنشى دەنە جاراقاتىمەن اۋرۋحاناعا جەتكىزىلىپ, كوز جۇمدى.
اتالعان فاكتى قر قك 345-بابىنىڭ 3-بولىگى جانە قر قك 347-بابىمەن تىركەلدى.
26 شىلدەدە جەدەل-ىزدەستىرۋ ءىس-شارالارى بارىسىندا Toyota Camry ماركالى اۆتوكولىگىن باسقارعان شىمكەنت قالاسىنىڭ 30 جاستاعى تۇرعىنى انىقتالىپ, قاماۋعا الىندى.
كولىك ايىپ تۇراعىنا قويىلىپ, ءىس بويىنشا ءتيىستى ساراپتامالار تاعايىندالدى. جاۋاپ الۋ بارىسىندا كۇدىكتى ءوز كىناسىن تولىق مويىندادى. قازىرگى ۋاقىتتا ول ۋاقىتشا ۇستاۋ يزولياتورىنا قامالعان. جول-كولىك وقيعاسى بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.
