ء«بىز تۇركى كەڭەسىنىڭ قازىرگى كەزەڭدەگى اۋقىمدى ماسەلەلەرىن, الداعى ۋاقىتقا ارنالعان جوسپارلاردى, سونداي-اق تۇركى الەمى مەن وڭىردەگى سوڭعى وقيعالاردى قامتي وتىرىپ, تىڭعىلىقتى كەلىسسوزدەر جۇرگىزدىك. ۆەنگريانىڭ تۇركى الەمىنىڭ اجىراماس بولىگى رەتىندەگى ەرەكشە ورنىن اتاپ ءوتىپ, ماجار باسشىلىعىنا بۋداپەشتتەگى تۇركى كەڭەسىنىڭ ەۋروپالىق كەڭسەسىنىڭ جۇمىسى ءۇشىن تاماشا جاعداي جاساعانى ءۇشىن ريزاشىلىعىمدى ءبىلدىردىم. 2019 جىلعى قىركۇيەكتەن باستاپ جۇمىس ىستەيتىن كەڭسە مۇشە مەملەكەتتەر اراسىنداعى كوپقىرلى ىنتىماقتاستىقتى جانداندىرۋ, سونداي-اق ەۋروپا ەلدەرىمەن جانە ەۋروپاداعى حالىقارالىق جانە وڭىرلىك ۇيىمدارمەن بەلسەندى جۇمىس جۇرگىزۋ ءۇشىن جاڭا جانە تارتىمدى ورتالىققا اينالعانىن اتاپ ءوتتىم», دەيدى ب. امىرەەۆ.
سونداي-اق, باس حاتشى تۇركى كەڭەسىنىڭ 2021 جىلعى 12 قاراشادا ستامبۋلدا وتەتىن 8-ءشى سامميتىنە دايىندىقتى جانە ونىڭ كۇن تارتىبىندەگى نەگىزگى ماسەلەلەردى تالقىلاپ, الداعى سامميت ۇيىمنىڭ اياسىنداعى ىنتىماقتاستىقتىڭ جاڭا جانە جوعارى دەڭگەيىنە وتەتىنى تۋرالى دا توقتالىپ وتكەن.
«مينيستر سييارتو تۇركى كەڭەسىنىڭ سوڭعى جىلدارداعى ەلەۋلى جەتىستىكتەرىنە توقتالىپ, ۆەنگريا حاتشىلىقتىڭ ۇيىم شەڭبەرىندەگى قارىم-قاتىناستارىن ودان ءارى دامىتۋ جونىندەگى كۇش-جىگەرىنە جان-جاقتى قولداۋ كورسەتۋىن جالعاستىراتىنىن ايتتى. وسى تۇرعىدا 2021 جىلعى 22-23 قىركۇيەكتە بۋداپەشتتە وتەتىن تۇركى ساۋدا-ونەركاسىپ پالاتالارىنىڭ بيزنەس فورۋمىنىڭ ماڭىزدىلىعى اتاپ ءوتىلدى. پ. سييارتو ۆەنگريانىڭ تۇركى كەڭەسى اياسىنداعى دامۋ جوبالارى مەن باسقا دا باستامالاردى قولداۋ ماقساتىندا تۇركى ينۆەستيتسيالىق قورىن قۇرۋعا بەلسەندى قاتىسۋعا مۇددەلىلىگىن تاعى دا راستادى», دەپ اتاپ ءوتتى ب. امىرەەۆ.
سونداي-اق باس حاتشى ب. امىرەەۆ مينيستر سييارتو تۇركى كەڭەسىنىڭ سوڭ جىلدارداعى تابىستى جۇمىسى ءۇشىنشى ەلدەردىڭ ۇيىممەن رەسمي بايلانىستار ورناتۋعا جانە تۇركى الەمىمەن بايلانىستاردى تەرەڭدەتۋگە ىقپال ەتكەنى تۋرالى جىلى لەبىزىن بىلدىرگەن.
«پەتەر سييارتو مۇشە مەملەكەتتەردىڭ ستۋدەنتتەرىنىڭ ۆەنگريادا وقۋعا دەگەن سۇرانىسىنىڭ ارتىپ كەلە جاتقانىن اتاپ ءوتىپ, بيىل تۇركىتىلدەس ەلدەردەن 5000-نان استام ءوتىنىش تۇسكەنىن مالىمدەدى» دەيدى باس حاتشى.
