سيريانىڭ مااليۋليا قالاسىندا «ال-كايدامەن» بايلانىسى بار «دجەبحات ان-نۋسرا» توبىنىڭ سودىرلارى كاتوليكتەر شىركەۋىنىڭ مەتروپوليتىن ۇرلاپ اكەتتى. بۇل تۋرالى يتار-تاسس حابارلادى.
«ال-مايادين» تەلەارناسىنىڭ اقپارى بويىنشا, تەرروريستەردىڭ قولىندا تاعى 13 موناحينيا مەن ايەلدەر موناستىرىنىڭ باسشىسى, سونداي-اق ەكى ءدىن قىزمەتشىسى بار ەكەن. ونىڭ ۇستىنە, ءساۋىر ايىندا سودىرلار تۇتقىنعا الىنعان يۋحانن يبراگيم مەن پاۆەل يازيدجي ەسىمدى ەكى مەتروپوليتتىڭ جاعدايى ءالى كۇنگە دەيىن بەلگىسىز بولىپ وتىر.
ءبىر ايدان استام ۋاقىت بۇرىن «ال-جازيرا» تەلەارناسىنان 48 ساعاتتان كەيىن موناحينيالاردىڭ بوساتىلاتىنى ايتىلعان بەينەجازبا كورسەتىلگەن ەدى. الايدا, كەيىننەن ءوزىن موحانناد ابۋ فيدا دەپ تانىستىرعان ەكسترەميستىك توپتىڭ قولباسشىسى «اش-شارك ال-اۋسات» گازەتىنە «سيريا بيلىگى قويىلعان تالاپتاردى ورىندامايىنشا, ايەلدەر تۇتقىندا قالا بەرەدى», دەپ مالىمدەدى.
سودىرلاردىڭ ەڭ باستى تالابى ب ۇلىكشىلەردىڭ وتباسى مۇشەلەرىن تۇرمەدەن بوساتۋ بولىپ وتىر. سونداي-اق سيرياداعى قارۋلى توپتاردىڭ جەتەكشىلەرى بيلىكتەن يابرۋدا مەن مااليۋليا قالالارىنداعى قورشاۋلاردى الدىرىپ تاستاۋدى تالاپ ەتۋدە.
ايدار ورىسباەۆ.
دەرەككوز: Itar-tass.com
فوتو: Itar-tass.com
