مەملەكەتتىك قىزمەتكە قابىلدانار الدىندا ناشاقورلىق تەستىنەن ءوتۋ كەرەك. بۇل سىناقتى ءتىپتى ستۋدەنتتەر مەن وقۋشىلارعا دا جۇرگىزۋ قاجەت. بۇل تۋرالى «قازاقستان» تەلەارناسى حابارلادى.
پارلامەنت ماجىلىسىندە وتكەن ۇكىمەت ساعاتىندا ىشكى ىستەر ءمينيسترى قالمۇحانبەت قاسىموۆ وسىلاي مالىمدەدى. ونىڭ سەبەبى مىنادا ەكەن. قازىر ەلىمىزدە ەسىرتكى قولداناتىندار سانى ارنايى مامانداردىڭ مالىمەتىنەن الدەقايدا كوپ. جالپى, ولاردىڭ ەسەبىنشە, ەلىمىزدە 40 مىڭ ادام تىركەۋدە تۇر. ونىڭ 3 مىڭى نازىك جاندىلار بولسا, 2 مىڭعا جۋىعى بۇعاناسى بەكىمەگەن ءجاسوسپىرىم.
ەستەرىڭىزدە بولسا, 2009 جىلى وسى قۇزىرلى ورگاننىڭ باستاماسىمەن استانالىق ستۋدەنتتەر مەن وقۋشىلار وسىنداي تەستتەن وتكەن بولاتىن. ونىڭ قورىتىندىسىنا سايكەس, جاستاردىڭ 3 پايىزى ەسىرتكى قولداناتىنى ءمالىم بولدى.
باقىتبەك كەنەش ۇلى.
دەرەككوز: «قازاقستان» تەلەارناسى
فوتو: Antinarkotiki.com.
