ايماقتار • 27 شىلدە، 2021

پاۆلوداردا ءبىر كۇندە جول قوزعالىسى ەرەجەلەرىن بۇزۋدىڭ 113 فاكتىسى تىركەلدى

17 رەت كورسەتىلدى

پاۆلودار قالاسىندا ءبىر كۇندە جول قوزعالىسى ەرەجەلەرىن بۇزۋدىڭ 113 جاعدايى انىقتالدى، دەپ حابارلايدى Egemen.kz Polisia.kz سايتىنا سىلتەمە جاساپ.

«ستاتيستيكاعا سايكەس، قاۋىپسىزدىك بەلدىگىن تاقپاۋدىڭ 31 فاكتىسى تىركەلدى، بۇل زاڭ بۇزۋشىلىق قر اقبتك-ءنىڭ 593-بابى 2-بولىگىن قاراستىرادى. جاياۋ جۇرگىنشىلەردى جىبەرمەگەن 24 اۆتوكولىك جۇرگىزۋشىسى انىقتالدى، ءتارتىپ بۇزۋشىلار قر اقبتك-ءنىڭ 600-بابى 1-بولىگى «جاياۋ جۇرگىنشىگە ارتىقشىلىق بەرمەۋ» بويىنشا جاۋاپكەرشىلىككە تارتىلدى. بىراق، وكىنىشكە وراي، جاياۋ جۇرگىنشىلەر دە ەرەجەلەردى قاتاڭ ساقتاۋمەن ەرەكشەلەنبەيدى. كولىك جۇرەتىن بولىكتى بەلگىلەنبەگەن جەردەن كەسىپ وتكەنى ءۇشىن قر اقبتك-ءنىڭ 615-بابى 1-بولىگى بويىنشا 20 پاۆلودارلىق جاۋاپكەرشىلىككە تارتىلدى. كولىكتى باسقارۋ كەزىندە ۇيالى تەلەفونداردى سەگىز جۇرگىزۋشى پايدالاندى، ال بەس اۆتواۋەسقوي باعدارشامنىڭ تىيىم سالاتىن سيگنالىنا باردى. ايىپپۇل تۇراعىنا جەتى اۆتوكولىك قامالدى. ءبىر كۇننىڭ عانا قورىتىندىسى وسىنداي»، دەدى پاۆلودار وبلىسى پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى قۋانىش مۇستافينوۆ.

ماسەلەن، 26 شىلدە كۇنى ساعات 01:05-تە پاترۋلدەۋ كەزىندە پاۆلودار قالاسى پب پاترۋلدىك پوليتسيا باتالونىنىڭ ينسپەكتورلارى بەكتۇروۆ كوشەسى بويىنشا 26 جاستاعى ەر ادامنىڭ باسقارۋىمەن Isuzu Trooper اۆتوكولىگىن توقتاتتى. ساراپتاما ناتيجەلەرى كورسەتكەندەي، جۇرگىزۋشى كولىكتى ماس كۇيىندە باسقارعان. اۆتوكولىك ايىپ تۇراعىنا قامالدى.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار