قازاقستان قۇراماسىنىڭ ليدەرى, كونكيشى دميتري بابەنكو جاپوننىڭ توماكوماە قالاسىندا ءوتىپ جاتقان ازيا چەمپيوناتىندا كلاسسيكالىق كوپسايىستان قۇرلىقتىڭ ءۇش دۇركىن چەمپيونى اتاندى. بۇل تۋرالى Ras.kz حابارلادى.
قۇرامانىڭ ۇزدىك ستايەرى 1500, 5 000 جانە 10 000 مەترلىك قاشىقتىقتارعا جۇگىرۋدە الدىنا جان سالمادى. ول وسىلايشا كونتينەنتتىڭ ءۇش مارتە چەمپيونى بولۋمەن بىرگە الداعى ناۋرىز ايىندا گوللانديانىڭ حەرەنۆەن قالاسىندا وتەتىن الەمنىڭ كلاسسيكالىق كوپ سايىسى ءۇشىن جۇرگىزىلگەن ايماقتىق ىرىكتەۋ جارىسىنىڭ دا سىنىنان ءوتتى.
بۇعان قوساتىنىمىز, بابەنكو اقپان ايىندا سوچيدە وتەتىن وليمپيادادا جوعارىدا كورسەتىلگەن ءۇش قاشىقتىق بويىنشا دا جارىس جولىنا شىعادى. بارلىعى قازاقستاندىق كونكيشىلەر قورجىنىندا 12 ليتسەنزيا بار.
دانيار راحمان.
دەرەككوز: Ras.kz
فوتو: Ras.kz.
