وڭتۇستىك افريكا رەسپۋبليكاسىنداعى تارتىپسىزدىكتەر جالعاسۋدا. ونىڭ سالدارىنان 13 ادام قازا بولدى. بۇل تۋرالى يتار-تاسس حابارلادى.
وار پرەزيدەنتى ميشەل دجوتوديانىڭ وتستاۆكاعا كەتكەنىنە قاراماستان, ەلدەگى تولقۋلار باسىلار ەمەس. قىزىل كرەستتىڭ اقپارى بويىنشا, مەملەكەت استاناسى بانگي قالاسىندا مۇسىلمان مەن حريستيان قاۋىمدارى اراسىندا ورىن العان قاقتىعىستاردان 13 ادام قازا بولعان.
جۇما كۇنى ميشەل دجوتوديا ءوزىن وار-داعى تارتىپسىزدىكتەردى توقتاتۋعا قاۋقارسىز دەپ تانىعان كورشى مەملەكەتتەردىڭ قىسىمىمەن وتستاۆكاعا كەتكەن بولاتىن. الايدا, ونىمەن بانگيداعى تولقۋلار باسىلا قويمادى. قىزىل كرەست وكىلى انتۋان مباو-بوگونىڭ ايتۋى بويىنشا, ميشەل دجوتوديانىڭ قىزمەتىنەن كەتكەنىنە ەكى كۇن ءوتتى. الايدا, قالاداعى قارۋلى قاقتىعىستار جالعاسىپ جاتىر. مۇنداعى تارتىپسىزدىكتەردەن قازا بولعاندار سانى ءالى دە ءوسۋى مۇمكىن.
ايدار ورىسباەۆ.
دەرەككوز: Itar-tass.com
فوتو: Itar-tass.com
