كەشە كيەۆتە وپپوزيتسيا وكىلدەرى مەن ارنايى قىزمەت ساربازدارى اراسىندا كەزەكتى قاقتىعىس بولىپ ءوتتى. سونىڭ سالدارىنان ۋكراينانىڭ بۇرىنعى ىشكى ىستەر ءمينيسترى اۋرۋحانانىڭ جانساقتاۋ بولىمىنە ءتۇستى. بۇل تۋرالى Ras.kz حابارلادى.
«تۇندە كيەۆتەگى سۆياتوشا اۋداندىق ىشكى ءبولىمى جانىندا «بۇركىت» جاۋىنگەرلەرىنىڭ وپپوزيتسيا بەلسەندىلەرىمەن قاقتىعىسى سالدارىنان «ءۇشىنشى ۋكراينا رەسپۋبليكاسى» قوزعالىسىنىڭ ليدەرى, ۋكراينانىڭ بۇرىنعى ىشكى ىستەر ءمينيسترى يۋري لۋتسەنكو زارداپ شەكتى», – دەلىنگەن حابارلامادا.
حابارلانعانداي, وپپوزيتسيانىڭ كيەۆ-سياتوشا سوتىندا مالىمدەۋىنشە, بەلسەندىلەر نارازىلىعىن «بۇركىت» جاۋىنگەرلەرىنىڭ شەرۋشىلەردى قۋ ءۇشىن كۇش قولدانعاندارى تۋعىزعان. 10 قاڭتاردا كيەۆ-سياتوشا سوتىندا 2011 جىلى لەنين ەسكەرتكىشىن قيراتۋعا دايىنداۋ جونىندەگى «ۆاسيلكوۆ ىستەرى» دەپ اتالاتىن ءىس بويىنشا ۇكىم شىعارىلعان. وندا ءۇش فيگۋرانتتىڭ ءاربىرى 6 جىلعا سوتتالعان.
تۇنگى قارسىلىق اكتسياسى بارىسىندا يۋري لۋتسەنكو (سۋرەتتە) شەرۋشىلەر مەن ميليتسيونەرلەردىڭ اراسىندا تۇرۋعا ارەكەت ەتتى. الايدا, «بۇركىت» ساربازدارى ونىڭ ءوزىن دە سوققى جىعىپ تاستادى. بۇل بۇرىنعى ءمينيستردىڭ باسىنان ءۇش جەردەن گەماتوما الۋىنا, باسىنىڭ جارىلۋىنا, ءسويتىپ, جانساقتاۋ بولىمىنەن ءبىر-اق شىعۋىنا اپارىپ سوقتىردى.
ايدار ورىسباەۆ.
دەرەككوز: Ras.kz
فوتو: Lite.rein.ru, Rus.ruvr.ru
