اۋعانستاندا اقش اسكەري قىزمەتكەرلەرى ابايسىزدا ءتورت جاسار بالانى اتىپ ءولتىردى. بۇل تۋرالى يتار-تاسس حابارلادى.
وقيعا حالىقارالىق كۇشتەردىڭ گيلمەند قالاسىندا جۇرگىزگەن ارنايى وپەراتسياسى كەزىندە ورىن العان. ونىڭ ءمان-جايى باياندالمادى.
«ءبىز كەلەشەكتە مۇنداي جاعدايدى بولدىرماۋ ءۇشىن اۋعانستاننىڭ قاۋىپسىزدىگىنە كومەك كورسەتەتىن حالىقارالىق كۇشتەردەن اۋىلدار مەن قاراپايىم ازاماتتاردىڭ ۇيلەرىندە قارۋلى رەيد جۇرگىزۋلەرىن توقتاتۋدى تالاپ ەتتىك», – دەدى اۋعان پرەزيدەنتىنىڭ ءباسپاسوز حاتشىسى ايمال فايزي.
بۇۇ ميسسياسىنىڭ بايانداماسىنا سايكەس, اۋعانستانعا كومەك كورسەتۋ باعدارلاماسى اياسىندا اسكەريلەردىڭ جۇرگىزگەن ارنايى وپەراتسيالارى سالدارىنان 2013 جىلدىڭ ءبىرىنشى جارتىسىندا عانا 146 بەيبىت تۇرعىن قازا بولعان. ولاردىڭ كوبىسى ايەلدەر مەن بالالارەكەن.
ايدار ورىسباەۆ.
دەرەككوز: Itar-tass.com
فوتو: Itar-tass.com
