جامبىل وبلىسىنداعى اراق زاۋىتى ۇلتتىق قۇندىلىقتارىمىزدى اياق استى ەتتى. بۇل تۋرالى «24 kz» حابارلادى.
«قارا جورعا» دەپ اتالعان اراقتىڭ سىرتىندا اقتوبە وبلىسىنداعى بي ۇجىمىنىڭ بىرنەشە ءبيشىسى بۇرالا بي بيلەپ تۇر. ناقتىراق ايتار بولساق, وسىدان 3 جىل بۇرىن بي ۇجىمى فوتوسەسسياعا تۇسكەن ەكەن. ىلە بۇل سۋرەت جەرگىلىكتى باسىلىم بەتىندە جارىق كورەدى. ال جامبىل وبلىسىنان شىعاتىن اراقتىڭ سىرتىنا وسى سۋرەتتى جاپسىرۋعا كىمنىڭ رۇقسات بەرگەنى بەيمالىم كۇيىندە قالىپ وتىر.
«ءاليا گ ۇلى» حالىقتىق بي ءانسامبلىنىڭ 35 جىلدىق تاريحى بار. جوعارى دەڭگەيدەگى ونەر جارىستارىنىڭ جۇلدەگەرى. ورىمدەي ءبيشى قىزداردى اششى سۋدىڭ سىرتىنا جاپسىرۋ ونەرگە دەگەن قاستاندىق دەيدى بي ۇجىمىنىڭ كوركەمدىك جەتەكشىسى. بوساعان شولمەكپەن بىرگە قازاقتىڭ ءبيى قوقىستا جاتا ما دەپ قورقادى. اراقتى شىعارعان كومپانيانىڭ وكىلدەرى بولسا, الگى سۋرەتتىڭ قايدان الىنعانىن ءدوپ باسىپ ايتا المادى .
«مەن جارناماعا قارسى ەمەسپىن. بىراق, ول ادامداردى ىزگىلىككە ۇندەۋگە, قازاق ونەرىن وركەندەتۋگە باعىتتالۋى ءتيىس. ال بي ارقىلى اششى سۋدى جارنامالاعان قيسىنعا كەلمەيدى», - دەدى «ءاليا گ ۇلى» حالىقتىق بي ءانسامبلىنىڭ كوركەمدىك جەتەكشىسى شولپان اينابەكوۆا.
باقىتبەك كەنەش ۇلى.
دەرەككوز: «24 kz»
فوتو: «24 kz».
