الماتى وبلىسىندا ءوز قىزى مەن ونىڭ قۇربىسىن 6 جاسىنان زورلاپ كەلگەن كاسىپكەر-پەدوفيل سوتتالدى. بۇل تۋرالى «31 ارنا» حابارلادى.
قاپشاعايداعى دەمالىس ورىندارىنىڭ بىرىندە كاسىبىن دوڭگەلەتىپ وتىرعان بيزنەسمەن قارشاداي قوس قىزعا 8 جىل بويى قورلىق كورسەتىپ كەلگەن. سوراقىسى سول, قازىر 14 جاسقا كەلگەن قىزداردىڭ ءبىرىنىڭ اناسى, كاسىپكەر-پەدوفيلدىڭ ازاماتتىق نەكەدەگى ايەلى بولىپ شىقتى.
سونىمەن, قاپشاعايلىقتاردى دۇرلىكتىرگەن بۇل قىلمىستىق ءىس 2006 جىلدان وسى كۇنگە دەيىن جالعاسىپ كەلگەن. پەدوفيلدىڭ ازاماتتىق نەكەدەگى ايەلىنىڭ قىزىنا 6 جاسىنان باستاپ قورلىق كورسەتىپ كەلگەنى ءمالىم بولدى. قارشاداي قىزدى «اناڭا ايتساڭ ولتىرەمىن» دەپ قورقىتىپ, ارام ويىن ىسكە اسىرعان. بۇل كەلەڭسىزدىكتى پروكۋرورلار كەزەكتى رەيد بارىسىندا انىقتادى.
قاپشاعاي قالالىق پروكۋراتۋراسى قوزعاعان قىلمىستىق ءىس سوتقا جەتكىزىلىپ, سوت ءوز قىزى مەن ونىڭ قۇربىسىن 8 جىل بويى زورلاپ كەلگەن قىلمىسكەرگە 18 جىل باس بوستاندىعىنان ايىرۋ تۋرالى جازا كەستى. ەندى ول قاتاڭ رەجيمدەگى كولونيادا جازاسىن وتەيتىن بولادى.
باقىتبەك كەنەش ۇلى.
دەرەككوز: «31 ارنا»
فوتو: Kursiv.kz.
