2013 جىلعى 30 جەلتوقسان, استانا, ۇكىمەت ءۇيى
«ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 31 ناۋرىزداعى № 319 قاۋلىسىنا وزگەرىستەر مەن تولىقتىرۋلار ەنگىزۋ تۋرالى
قازاقستان رەسپۋبليكاسىنىڭ ۇكiمەتi قاۋلى ەتەدi:
1. «ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتاردى بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 31 ناۋرىزداعى № 319 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 28, 343-قۇجات) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن قاۋلىمەن بەكىتىلگەن ازاماتتىق اۋە كەمەلەرىن پايدالانۋشىلارعا قويىلاتىن سەرتيفيكاتتىق تالاپتاردا:
4 جانە 5-تارماقتار مىناداي رەداكتسيادا جازىلسىن:
«4. پايدالانۋشى قىزمەت تۇرىنە, پايدالانىلاتىن اۋە كەمەلەرىنىڭ ۇلگىسىنە قاراي, ۇيىمدىق قۇرىلىمعا كىرەتىن قاجەتتى قۇرىلىمدىق بولىمشەلەر مەن قىزمەتتەردىڭ تىزبەسىن ازىرلەيدى جانە بەكىتەدى:
1) ۇشۋ قىزمەتى;
2) ۇشۋعا جارامدىلىقتى قولداۋ قىزمەتى;
3) جەردەگى قىزمەت كورسەتۋ قىزمەتى;
4) ۇشۋ قاۋىپسىزدىگى جونىندەگى ينسپەكتسيا;
5) اۆياتسيالىق قاۋىپسىزدىك قىزمەتى;
6) بورتسەرىكتەر قىزمەتى;
7) پەرسونالدى دايارلاۋ قىزمەتى;
8) ساپانى باقىلاۋ قىزمەتى;
9) ۇشۋدى باسقارۋ جانە ۇيىمداستىرۋ قىزمەتى;
10) ەڭبەكتى قورعاۋ قىزمەتى نەمەسە ەڭبەكتى قورعاۋدىڭ جاي-كۇيى ءۇشىن جاۋاپتى ادام.
5. پايدالانۋشى ءوز كۇشىمەن نەمەسە باسقا ۇيىمدارمەن شارتتاردىڭ نەگىزىندە مىناداي جۇمىس تۇرلەرىن جۇرگىزۋدى قامتاماسىز ەتەدى:
1) اۆياتسيالىق تەحنيكاعا تەحنيكالىق قىزمەت كورسەتۋ جانە ونى جوندەۋ;
2) ۇشۋ اقپاراتىن وڭدەۋ جانە تالداۋ;
3) ۇشۋدى مەديتسينالىق قامتاماسىز ەتۋ جانە مەديتسينالىق كۋالاندىرۋدان ءوتۋ;
4) مەتەورولوگيالىق قامتاماسىز ەتۋ;
5) اەروناۆيگاتسيالىق قامتاماسىز ەتۋ;
6) اۆياتسيا پەرسونالىنىڭ بىلىكتىلىگىن ارتتىرۋدى جانە ترەناجەردا دايارلانۋىن قامتاماسىز ەتۋ;
7) اۆياتسيالىق قاۋىپسىزدىكتى قامتاماسىز ەتۋ;
8) جەردە قىزمەت كورسەتۋدى قامتاماسىز ەتۋ;
9) جولاۋشىلار مەن جۇكتەرگە قىزمەت كورسەتۋ;
10) جانار-جاعارماي ماتەريالدارىمەن قامتاماسىز ەتۋ;
11) بورت تاعامىمەن قامتاماسىز ەتۋ;
12) ۇشۋدى ۇيىمداستىرۋدى جانە باسقارۋدى قامتاماسىز ەتۋ.»;
مىناداي مازمۇنداعى 5-1, 5-2, 7-1 جانە 7-2-تارماقتارمەن تولىقتىرىلسىن:
«5-1. ورىندالاتىن ۇشۋدىڭ كولەمى مەن كۇردەلىلىگىنە قاراي پايدالانۋشى جالپى ماقساتتاعى جانە سەرتيفيكاتتالعان ەڭ اۋىر ۇشىپ كوتەرىلۋ سالماعى بەس مىڭ جەتى ءجۇز كيلوگرامنان كەم اۋە كەمەلەرىن پايدالاناتىن اۆياتسياعا جاتاتىنداردى قوسپاعاندا, قازاقستان رەسپۋبليكاسى ۇكىمەتىنىڭ 2010 جىلعى 18 قازانداعى № 1070 قاۋلىسىمەن بەكىتىلگەن ازاماتتىق اۋە كەمەلەرىن پايدالانۋشىلاردىڭ ۇشۋ قاۋىپسىزدىگىن باسقارۋ جونىندەگى ۇلگىلىك نۇسقاۋلىققا سايكەس ۇشۋ قاۋىپسىزدىگىن باسقارۋ جۇيەسىن ەنگىزۋدى قامتاماسىز ەتەدى.
5-2. پايدالانۋشى قىزمەتتىڭ مالىمدەلگەن كولەمىن ورىنداۋ ءۇشىن قاجەتتى, قولدانىستاعى ۇشۋعا جارامدىلىق سەرتيفيكاتتارى بار اۋە كەمەلەرىنىڭ جەتكىلىكتى سانىنىڭ بولۋىن قامتاماسىز ەتەدى. ءبىر اۋە كەمەسىن ەكى جانە ودان دا كوپ پايدالانۋشىنىڭ سەرتيفيكاتىنا ءبىر مەزگىلدە ەنگىزۋگە جول بەرىلمەيدى.»;
«7-1. پايدالانۋشىدا جۇمىستاردىڭ بولجامدى كولەمىن جۇزەگە اسىرۋ ءۇشىن قاجەتتى, بىلىكتى جانە دايارلانعان ۇشۋ پەرسونالى, كابينالىق جانە جەردەگى پەرسونالى بولادى.
7-2. پايدالانۋشى ۇشۋ قاۋىپسىزدىگىنە قاۋىپ ءتوندىرۋى مۇمكىن پايدالانۋ ديرەكتيۆالارى مەن باسقا دا اقپاراتتى پايدالانۋشىنىڭ مۇددەلى قىزمەتتەرىنىڭ بارىنە دەرەۋ تاراتۋدى قامتاماسىز ەتەدى, سونداي-اق پايدالانۋ قۇجاتتاماسى مەن باسقا دا قۇجاتتاماعا وزگەرىستەر مەن تولىقتىرۋلاردى ۋاقتىلى ەنگىزۋدى قامتاماسىز ەتەدى.»;
مىناداي مازمۇنداعى 9-1 جانە 9-2-تارماقتارمەن تولىقتىرىلسىن:
«9-1. پايدالانۋشى وزدەرىنىڭ اۋە كەمەلەرى باقىلانبايتىن اۋە كەڭىستىگىندە ۇشقان كەزدە اۆاريالىق حاباردار ەتۋدى قامتاماسىز ەتەدى.
9-2. پايدالانۋشى ازاماتتىق اۆياتسيا سالاسىنداعى ۋاكىلەتتى ورگانعا ازاماتتىق اۆياتسيا سالاسىنداعى ۋاكىلەتتى ورگان بەكىتكەن نىسان بويىنشا قارجى-ەكونوميكالىق جاعداي تۋرالى اقپارات بەرۋدى قامتاماسىز ەتەدى.»;
10-تارماق مىناداي رەداكتسيادا جازىلسىن:
«10. پايدالانۋشى شتاتتا مىنالارعا جاۋاپتى باسشىلاردىڭ لاۋازىمدارىن كوزدەيدى:
1) ۇشۋدا پايدالانۋ;
2) ۇشۋعا جارامدىلىقتى قولداۋ;
3) اۆياتسيا پەرسونالىن دايارلاۋ;
4) جەردە قىزمەت كورسەتۋ;
5) اۆياتسيالىق قاۋىپسىزدىك;
6) ساپا مەنەدجمەنتى (باقىلاۋ) جۇيەسى;
7) ۇشۋ قاۋىپسىزدىگىن باسقارۋ جۇيەسى.»;
مىناداي مازمۇنداعى 10-1-تارماقپەن تولىقتىرىلسىن:
«10-1. ەگەر پايدالانۋشىنىڭ شتات سانى شتاتتىق 20 قىزمەتكەردەن كەم بولسا, ساپا جۇيەسىنىڭ باسشىسىن قوسپاعاندا, ءبىر ادام قازاقستان رەسپۋبليكاسى زاڭناماسىنىڭ ەڭبەك جانە تىنىعۋ بولىگىندەگى تالاپتارىن ساقتاي وتىرىپ, تاعايىندالعان باسشىنىڭ ەكى لاۋازىمىن اتقارا الادى.»;
11-تارماق مىناداي رەداكتسيادا جازىلسىن:
«11. پايدالانۋشى:
1) ۇشۋدى جۇرگىزۋ جونىندەگى نۇسقاۋدى;
2) تەحنيكالىق قىزمەت كورسەتۋدى رەتتەۋ جونىندەگى پايدالانۋشى نۇسقاۋىن;
3) ۇشۋ قاۋىپسىزدىگى جونىندەگى قۇجاتتاما جۇيەسىنىڭ سيپاتتاماسىن قوسا العاندا, ۇشۋ قاۋىپسىزدىگىن باسقارۋ جۇيەسى جونىندەگى نۇسقاۋدى;
4) اۆياتسيالىق قاۋىپسىزدىكتى قامتاماسىز ەتۋ باعدارلاماسىن;
5) تەحنيكالىق قىزمەت كورسەتۋ باعدارلاماسىن;
6) تەحنيكالىق قىزمەت كورسەتۋ پەرسونالى ءۇشىن وقىتۋ جونىندەگى نۇسقاۋدى ازىرلەۋدى جانە ازاماتتىق اۆياتسيا سالاسىنداعى ۋاكىلەتتى ورگاندا بەكىتۋدى قامتاماسىز ەتەدى.»;
«تەحنيكالىق قىزمەت كورسەتۋدى ۇيىمداستىرۋ» دەگەن 7-تاراۋدا:
اتاۋى مىناداي رەداكتسيادا جازىلسىن:
«7. تەحنيكالىق قىزمەت كورسەتۋدى جانە ۇشۋ جارامدىلىعىن قولداۋدى ۇيىمداستىرۋ»;
مىناداي مازمۇنداعى 22-1, 22-2 جانە 22-3-تارماقتارمەن تولىقتىرىلسىن:
«22-1. پايدالانۋشى كوممەرتسيالىق اۋە تاسىمالىن جۇزەگە اسىرمايتىن جەڭىل جانە اسا جەڭىل اۆياتسيانىڭ اۋە كەمەلەرىنە «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى زاڭىنىڭ (بۇدان ءارى – زاڭ) 54-بابىنا سايكەس بەرىلگەن قولدانىستاعى كۋالىكتەرى نەمەسە شەت مەملەكەت بەرگەن جانە زاڭنىڭ 55-بابىنا سايكەس تانىلعان كۋالىكتەرى بار اۆياتسيا پەرسونالىنىڭ تەحنيكالىق قىزمەت كورسەتۋىن جانە جوندەۋىن قامتاماسىز ەتەدى.
22-2. پايدالانۋشى اۋە كەمەلەرىنە تەحنيكالىق قىزمەت كورسەتۋدى ازاماتتىق اۆياتسيا سالاسىنداعى ۋاكىلەتتى ورگان بەكىتكەن تەحنيكالىق قىزمەت كورسەتۋ باعدارلامالارى (رەگلامەنتتەرى) بويىنشا قامتاماسىز ەتەدى.
اۋە كەمەلەرىنىڭ جانە ونىڭ قۇراۋىشتارىنىڭ ۇشۋعا جارامدىلىق نورمالارىنا سايكەس كەلۋىن پايدالانۋشى قازاقستان رەسپۋبليكاسى ۇكىمەتىنىڭ 2011 جىلعى 23 شىلدەدەگى № 851 قاۋلىسىمەن بەكىتىلگەن قازاقستان رەسپۋبليكاسىنىڭ ازاماتتىق اۋە كەمەلەرىن تەحنيكالىق پايدالانۋ جانە ولاردى جوندەۋ قاعيداسىنىڭ تالاپتارىنا سايكەس جۇزەگە اسىرادى.
22-3. پايدالانۋشى ۇشۋعا جارامدىلىقتى قولداۋ جونىندەگى بارلىق ەسەپتىك مالىمەتتەردىڭ جانە/نەمەسە تەحنيكالىق قۇجاتتاردىڭ جۇرگىزىلۋىن جانە مۇراعاتتىق ساقتالۋىن قامتاماسىز ەتەدى, ولار مىنانى قامتيدى:
1) پايدالانۋشىنىڭ بورتتىق تەحنيكالىق جۋرنالىنىڭ اقپاراتى;
2) اۋە كەمەسىنىڭ فورمۋليارى;
3) قوزعالتقىشتاردىڭ فورمۋليارلارى نەمەسە قوزعالتقىشتار مودۋلدەرىنىڭ پاسپورتى (زاتتاڭبالار);
4) اۋە بۇراندالارىنىڭ فورمۋليارلارى نەمەسە پاسپورتتارى.»;
23-تارماق مىناداي رەداكتسيادا جازىلسىن:
«23. تۇراقتى كوممەرتسيالىق اۋە تاسىمالدارىن ورىندايتىن پايدالانۋشى قازاقستان رەسپۋبليكاسى ۇكىمەتىنىڭ 2013 جىلعى 25 اقپانداعى №185 قاۋلىسىمەن بەكىتىلگەن اۆياكومپانيالارعا تۇراقتى ىشكى كوممەرتسيالىق اۋەمەن تاسىمالداۋدى ورىنداۋعا رۇقسات بەرۋ قاعادالارىندا بەلگىلەنگەن بىلىكتىلىك تالاپتارىنىڭ ساقتالۋىن قامتاماسىز ەتەدى.»;
مىناداي مازمۇنداعى 23-1, 23-2 جانە 36-1-تارماقتارمەن تولىقتىرىلسىن:
«23-1. حالىقارالىق تۇراقتى كوممەرتسيالىق اۋەمەن تاسىمالداۋدى ورىندايتىن پايدالانۋشى قازاقستان رەسپۋبليكاسى ۇكىمەتىنىڭ 2010 جىلعى 19 قاراشاداعى №1221 قاۋلىسىمەن بەكىتىلگەن جولاۋشىلاردى, باگاجدى, جۇكتەر مەن پوچتا جونەلتىلىمدەرىن تاسىمالداۋ جونىندە قىزمەتتەر كورسەتۋ ءۇشىن اۆيامارشرۋتقا ارنالعان كونكۋرس وتكىزۋ جانە اۆيامارشرۋتتارعا كۋالىكتەر بەرۋ قاعيدالارىندا بەلگىلەنگەن بىلىكتىلىك تالاپتارىنىڭ ساقتالۋىن قامتاماسىز ەتەدى.
23-2. تۇراقتى ەمەس كوممەرتسيالىق اۋە تاسىمالدارىن جۇزەگە اسىرۋ ءۇشىن پايدالانۋشىدا ساتىپ الۋ-ساتۋ, ليزينگ نەمەسە ەكيپاجسىز جالعا الۋ شارتىنىڭ نەگىزىندە العان كەمىندە ءبىر اۋە كەمەسى بولادى.»;
مىناداي مازمۇنداعى 36-1-تارماقپەن تولىقتىرىلسىن:
«36-1. پايدالانۋشى حالىقارالىق ازاماتتىق اۆياتسيا ۇيىمىنا (يكاو) مۇشە باسقا مەملەكەتتە تىركەلگەن, جالعا الىنعان اۋە كەمەلەرىن پايدالانۋدى حالىقارالىق ازاماتتىق اۆياتسيا تۋرالى كونۆەنتسيانىڭ 83 نەمەسە 83 bis باپتارىنىڭ شەڭبەرىندە وسى اۋە كەمەلەرىنىڭ ۇشۋعا جارامدىلىعىن ساقتاۋ ءۇشىن جاۋاپكەرشىلىككە قاتىستى قازاقستان رەسپۋبليكاسىنىڭ ازاماتتىق اۆياتسيا سالاسىنداعى ۋاكىلەتتى ورگانى مەن باسقا مەملەكەت اراسىنداعى كەلىسىم نەمەسە ۋاعدالاستىق بولعان جاعدايدا قامتاماسىز ەتەدى.».
2. وسى قاۋلى العاشقى رەسمي جاريالانعان كۇنىنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
