قىزىلوردا قالالىق پوليتسيا باسقارماسىنىڭ كەزەكشى بولىمىنە وتباسى ۇلگىسىندەگى «اتامەكەن» بالالار ءۇيىنىڭ قىزمەتكەرلەرى جۇگىندى. ارىزدا اتالعان مەكەمەدە تاربيەلەنىپ جاتقان 17 جاستاعى ەكى ءجاسوسپىرىمنىڭ بالالار ۇيىنەن بەلگىسىز باعىتقا شىعىپ كەتىپ, قايتا ورالماعانى تۋرالى ايتىلعان.
«جاسوسپىرىمدەردى ىزدەۋ جۇمىستارىنا يۋۆەنالدى پوليتسيا مەن پاترۋلدىك پوليتسيا جاساقتارى جۇمىلدىرىلدى. ۇيلەردىڭ شاتىرلارى مەن اۋلالارى, قۇرىلىس ءجۇرىپ جاتقان وبەكتىلەر ەرەكشە نازارعا الىندى. مەكەمەلەردىڭ اۋلالارى ارالانىپ, جەرگىلىكتى تۇرعىنداردان سۇراستىرۋ جۇرگىزىلدى. الەۋمەتتىك جەلىدە دە اقپاراتتار تاراتىلدى. ناتيجەسىندە جوعالعان جاسوسپىرىمدەر تابىلىپ, بالالار ۇيىنە امان-ەسەن تاپسىرىلدى. كامەلەت جاسىنا تولماعان بالالاردىڭ دەنساۋلىعىنا ەشقانداي قاۋىپ ءتونىپ تۇرعان جوق», دەپ ءمالىم ەتتى قىزىلوردا قالالىق پوليتسيا باسقارماسىنىڭ ءباسپاسوز قىزمەتى.
