«بازارلاردا ناۋقاستاردىڭ 16%-ى جۇقتىرادى, ينفەكتسيانىڭ 19%-ى وتباسىلارداعى بايلانىستاردىڭ ناتيجەسىندە پايدا بولدى. ۇيگە ينفەكتسيا اكەلگەن ادامدار ء«ۇي وشاقتارى» دەپ اتالادى, بالالاردى دا, ۇلكەن تۋىستارىن دا جۇقتىرادى. مەن جىل باسىندا بالالار اراسىندا اۋرۋدىڭ ءوسۋى تۋرالى ايتقانمىن, بىراق كوبىسى كۇمانمەن قارادى. ەگەر وتكەن جىلى بارلىعى 280 وقۋشى اۋىرسا, بيىل 5 700 بالا اۋىردى. بيىل 1 جاسقا دەيىنگى بالالاردى جۇقتىرۋدىڭ 200-گە جۋىق جاعدايى تىركەلدى. وتكەن جىلى بۇل جەكە جاعداي بولدى», دەدى ج. بەكشين.
باس سانيتارلىق دارىگەر اتا-انالارعا بالالارىن قورعاۋدى, ادام كوپ جينالاتىن جەرلەرگە بارماۋدى ۇسىندى. 5 جاستان اسقان بالالارعا بەتپەردە تاعۋ كەرەك.
ج. بەكشيننىڭ ايتۋىنشا, سوڭعى ەكى اپتادا ۆيرۋستىڭ بالالار مەن جاستارعا باعىتتالعاندىعى بايقالادى. 14 جاسقا دەيىنگى بالالاردىڭ ۇلەس سالماعى 1%-عا ءوستى جانە جوعارى دەڭگەيى 14% قۇرايدى. 40 پەن 59 جاستاعى ناۋقاستانعان ازاماتتاردىڭ ۇلەس سالماعى دا 25%-دى جوعارى دەڭگەيدە.
الماتىنىڭ باس سانيتارلىق دارىگەرى قالانىڭ 2 500-دەن استام نىسانىندا ەنگىزىلگەن Ashyq جۇيەسىنىڭ تيىمدىلىگىن ايتتى.
«بۇل جۇيە بەلگىلى ءبىر ناتيجە بەرەدى. جۇيە ورناتىلعان نىساندارعا بارعىسى كەلگەن تۇرعىندارعا «قىزىل» نەمەسە «سارى» مارتەبەسىنىڭ اسەرىنەن رۇقسات بەرىلمەگەن», دەدى ج. بەكشين.
ەسكە سالساق, الماتىدا كارانتين رەجيمىن بۇزعانى ءۇشىن «قىزىل» مارتەبەسى بار 80 تۇرعىنعا ايىپپۇل سالىندى. كارانتيندى بۇزۋشىلاردىڭ اتى-جوندەرى سانيتارلىق-ەپيدەميولوگيالىق باقىلاۋ دەپارتامەنتىنىڭ رەسمي سايتىندا دا جاريالاندى.
