قۇجاتقا سايكەس, شەكتەۋ شارالارى 26 شىلدەدەن باستالادى.
بارلىق مەيرامحانا, كافە جانە كوفەحانا سياقتى جابىق قوعامدىق تاماقتاندىرۋ ورىندارى «Ashyq» جوباسىنا قاتىسىپ-قاتىسپايتىنىنا قاراماستان, سەنبى جانە جەكسەنبى كۇندەرى تەك ۇيگە جەتكىزۋ قىزمەتىمەن جۇمىس ىستەيدى. ال جۇمىس كۇندەرى «Ashyq» جوباسىنا قاتىساتىنى - ساعات 7:00-دەن 20:00-گە دەيىن, «Ashyq»-قا قاتىسپايتىن 50 ورىننان اسپايتىن تاماقتانۋ ورىندارى 7:00-دەن 17:00-گە دەيىن زالىن تەك 50% تولتىرۋ ارقىلى جۇمىس ىستەي الادى.
ءدال وسىنداي ەرەجەلەر جازعى الاڭ, اسحانا ءتيپى بويىنشا تاماقتاندىرۋ وبەكتىسى, 20%-عا دەيىن عانا تولاتىن فۋد-كورت, مونشا, ساۋنا, كۋرورتتىق ورتالىق, بوۋلينگ پەن كاراوكەگە دە قاتىستى.
اشىق جانە جابىق بازارلار (ازىق-ت ۇلىك جانە ازىق-ت ۇلىك ەمەس), ساۋدا جانە ويىن-ساۋىق ورتالىقتارى, ساۋدا ۇيلەرى دە دەمالىس كۇندەرى جۇمىس ىستەمەيدى. ال جۇمىس كۇندەرى «Ashyq» جوباسىنا قاتىساتىن نىساندار - 7:00-دەن 20:00-گە دەيىن, جوباعا قاتىسپايتىنى 7:00-دەن 17:00-گە دەيىن جۇمىس ىستەيدى.
ساياباقتار, جاياۋ جۇرگىنشىلەر دەمالاتىن ورىندار (اربات) دەمالىس جانە مەرەكە كۇندەرى جابىق.
قوعامدىق كولىك قالىپتى جۇمىس ىستەيدى.
بانكەت زالدارى (ەسكە الۋ شارالارى, مەيرامحانا مەن كافە قىزمەتتەرى) «Ashyq»-سىز جۇمىس ىستەمەيدى. جوباعا قاتىسۋشىلارعا جۇمىس كۇندەرى ساعات 7:00-دەن 20:00-گە دەيىن زالىن تەك 30%-عا تولتىرۋ ارقىلى جۇمىس ىستەۋگە رۇقسات بەرىلەدى.
باسسەيندەرگە, جابىق اكۆاپاركتەرگە تىيىم سالىنادى. «Ashyq» جوباسىنا قاتىساتىن اشىق باسسەيندەر مەن اكۆاپاركتارعا جۇمىس كۇندەرى ساعات 7:00-دەن 20:00-گە دەيىن رۇقسات ەتىلەدى.
قاۋلىنىڭ تولىق نۇسقاسىن سانيتارلىق-ەپيدەميولوگيالىق باقىلاۋ دەپارتامەنتىنىڭ سايتىنان الۋعا بولادى.
