* ەلىمىزدە يندۋستريا جانە جاڭا تەحنولوگيالار مينيسترلىگىنىڭ قولداۋىمەن «تۇران تۆ» تەلەارناسىنىڭ تۇساۋى كەسىلدى. وسى جىلدىڭ 1 اقپانىنان باستاپ ەفيرگە شىعاتىن تەلەارنا ءتۋريزمدى ناسيحاتتاپ, حالقىمىزدى سالاماتتى ومىرگە باۋليتىن حابارلاردى جانە سالت-ءداستۇرىمىز تۋرالى قۇندى دەرەكتەردى جۇرتشىلىق نازارىنا ۇسىناتىن بولادى.
* ەلىمىزدە يندۋستريا جانە جاڭا تەحنولوگيالار مينيسترلىگىنىڭ قولداۋىمەن «تۇران تۆ» تەلەارناسىنىڭ تۇساۋى كەسىلدى. وسى جىلدىڭ 1 اقپانىنان باستاپ ەفيرگە شىعاتىن تەلەارنا ءتۋريزمدى ناسيحاتتاپ, حالقىمىزدى سالاماتتى ومىرگە باۋليتىن حابارلاردى جانە سالت-ءداستۇرىمىز تۋرالى قۇندى دەرەكتەردى جۇرتشىلىق نازارىنا ۇسىناتىن بولادى.
* قازاقستاندىق سپورتشىلار سوچي وليمپياداسىنا دايىندالۋ ءۇشىن ەۋروپاعا اتتاندى.ۇلتتىق قۇراما ساپىندا الەكسەي كورولەۆ, سابىرجان مومىنوۆ, كونستانتين سوكولەنكو, مارات جاپاروۆ, راديك جاپاروۆ جانە الەكسەي پچەلينتسەۆ بار.
*استانا قالاسىنداعى كوپقاباتتى 48 تۇرعىن ءۇيدىڭ ءليفتىسى اۋىستىرىلادى. جالپى, باس قالادا 4 مىڭنان استام ليفت بار. ولار پايدالانۋ مەرزىمىنە قاراي كەلەشەكتە كەزەڭ-كەزەڭىمەن جاڭارتىلادى.
*الماتى قالاسى الەم تۋريستەرى ءۇشىن تارتىمدى 10 قالانىڭ قاتارىنا ەندى. «The Rough Guide» باسىلىمى جاريالاعان ساۋالدامادا ساياحاتشىلاردىڭ قالاۋىمەن وڭتۇستىك استانا 7-ورىنعا تابان تىرەگەن. ستاتيستيكالىق دەرەككە جۇگىنسەك, ەلىمىزگە كەلەتىن شەتەلدىك تۋريستەردىڭ 80 پايىزى الماتىنىڭ اسەم تابيعاتىن تاماشالاعىسى كەلەدى.
*قاراعاندى وبلىسى, تەمىرتاۋ قالاسىنداعى الەۋمەتتىك بەيىمدەۋ ورتالىعى بازاسى جانىنان الەۋمەتتىك پاترۋل قىزمەتى قۇرىلدى. بۇل جەردە جۇمىس ىستەيتىن قىزمەتكەرلەر شاقىرۋ بويىنشا قالا كوشەلەرىنە شىعىپ, ءۇي-كۇيى جوق ادامدارعا كومەك كورسەتەدى. وسى ارقىلى الەۋمەتتىك ءتۇيىندى تۇيتكىلدى بىرتىندەپ شەشۋگە مۇمكىندىك جاسالعالى وتىر.
*باتىس قازاقستان وبلىسىنىڭ زەلەنوۆ اۋدانىندا مۇناي ونىمدەرىن ساقتايتىن ستانسا سالىنۋدا. جوبانىڭ جالپى قۇنى 1,3 ملرد. تەڭگەنى قۇرايدى. ستانسا ىسكە قوسىلعاندا مۇندا 9300 توننا مۇناي ءونىمى ساقتالادى.
*كەشە قارلى بۇرقاسىنعا بايلانىستى «استانا – قوستاناي» تاس جولى جابىلدى. ماماندار بۇگىن دە بۇل جولعا جولاۋشىلاردىڭ ساپارلاپ شىقپاۋى كەرەكتىگىن ەسكەرتەدى. سونداي-اق, كەشە «استانا – پەتروپاۆل» تاس جولى دا ءىشىنارا جابىلعان بولاتىن.
*شىمكەنت قالاسىندا الداعى مەرزىمدە مۋنيتسيپالدى اۆتوپارك پايدالانۋعا بەرىلەدى. ونىڭ جالپى قۇنى 2 ملن. تەڭگەنى قۇرايدى. بۇل قارجى جەكە ينۆەستورلار ەسەبىنەن بولىنگەن.
Bnews.kz, Egemen.kz حابارلارى بويىنشا دايىندالدى.
