مەملەكەت تاراپىنان ونكولوگيالىق اۋرۋلار ماسەلەسىنە ءجىتى نازار اۋدارىلىپ وتىر. سوندىقتان ەرتە دياگنوستيكالاۋ باعدارلامالارىن دامىتۋ جولىمەن وبىر اۋرۋلارىنىڭ پروفيلاكتيكاسىن جەتىلدىرۋ قولعا الىنۋدا.
مەملەكەت تاراپىنان ونكولوگيالىق اۋرۋلار ماسەلەسىنە ءجىتى نازار اۋدارىلىپ وتىر. سوندىقتان ەرتە دياگنوستيكالاۋ باعدارلامالارىن دامىتۋ جولىمەن وبىر اۋرۋلارىنىڭ پروفيلاكتيكاسىن جەتىلدىرۋ قولعا الىنۋدا.
جاقىندا وبلىستىق ونكولوگيالىق ديسپانسەرگە زاماناۋي كومپيۋتەرلىك توموگراف ورناتىلدى. 64 كەسىندىلىك «Optima-6600» كومپيۋتەرلىك توموگرافىنىڭ ىسكە قوسىلۋ راسىمىنە وبلىستىق دەنساۋلىق ساقتاۋ باسقارماسىنىڭ باسشىلارى قاتىستى. وبلىستا بۇرىن بولماعان قۇرىلعى ەندى ونكواۋرۋلاردى انىقتاپ قانا قويماي, سونىمەن بىرگە, اۋرۋدىڭ الدىن الۋعا دا سەپتىگىن تيگىزەدى. زاماناۋي اپپاراتتى اتالعان مەديتسينالىق مەكەمە 2 جىل كۇتىپتى.
سونداي-اق, ديسپانسەردە يممۋنوگيستوحيميالىق زەرتحانا اشىلىپ, سۇتبەزى قاتەرلى ىسىگىن مولەكۋلالىق دەڭگەيدە زەرتتەپ, ءتيىمدى ەم قولدانۋعا قول جەتكىزىلگەن. دەنساۋلىق ساقتاۋ باسقارماسى ماماندارىنىڭ ايتۋىنشا, بۇگىنگى كۇنى وندا قىزمەت ەتەتىن 12 مامان الماتى قالاسىنداعى دارىگەرلەردىڭ ءبىلىمىن جەتىلدىرۋ ينستيتۋتىندا 4 ايلىق كۋرستان ءوتىپ, ءبىلىكتىلىكتەرىن ارتتىرىپ كەلگەن. سونداي-اق, ونكوديسپانسەردە مامانداندىرىلعان كومەك كورسەتۋ ماقساتىندا گەرتسەپتين, اۆاستين, يرەسسا, تايۆەرب جانە نەكساۆار اتتى تارگەنتتىك پرەپاراتتار مەن جاڭا حيميالىق ەمدەۋ ادىستەرى ەنگىزىلىپ وتىر.
وبلىستا وتكەن جىلى 5005 ادام وبىر اۋرۋى بويىنشا ەسەپكە الىنىپتى.
كوسەمالى ساتتىباي ۇلى,
«ەگەمەن قازاقستان».
تاراز.
