قازىعۇرت اپب كەزەكشى بولىمىنە ۇلتتىق تابيعي پاركتەن براكونەرلىك فاكتىسى بويىنشا حابارلاما تۇسكەن.
بەلگىسىز ادامدار زاڭسىز اڭ اۋلاپ, تاۋدان ءسىبىر ەلىگىن اتىپ العانى انىقتالدى.
اتالعان فاكتىنى پوليتسيا قىزمەتكەرلەرى قر قك 337-بابى «زاڭسىز اڭشىلىق» بويىنشا سدتبت-عا تىركەگەن.
براكونەرلىك وقيعا تۋرالى دەرەك العان پوليتسيا قىزمەتكەرلەرى بىردەن تابيعي پارك اۋماعىنا بارىپ, قىلمىس ورنىندا كۇدىكتىلەردى ۇستادى. Nissan اۆتوكولىگىن تەكسەرۋ كەزىندە كولىكتىڭ جۇكسالعىشىندا ءسىبىر ەلىگىنىڭ كەسىلگەن قاڭقاسى مەن 16 كاليبرلى اڭشىلىق مىلتىق تابىلدى.
كەلتىرىلگەن زالالدىڭ جالپى سوماسى ەكى ميلليون تەڭگەدەن استى.
زاڭسىز اڭ اۋلاعان براكونەرلەر تابيعي پارك اۋماعىنا دەمالۋ ماقساتىندا كەلىپ, اۆتوكولىكپەن تاۋعا شىعۋدى شەشكەن. تاۋ شىڭىندا ءسىبىر ەلىگىن بايقاپ, جابايى جانۋاردى اتىپ العان.
قازىرگى ۋاقىتتا اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلۋدە.
