گۆينەيانىڭ سپورت ءمينيسترى سانۋسسي بانتاما سوۋ گۆينەيانىڭ وليمپيادا كوميتەتىنە ەلدىڭ تورتجىلدىقتىڭ باس دوداسىنا قاتىسا المايتىنى تۋرالى رەسمي حات جولداعان. مۇنىسىن ول توكيودا كوروناۆيرۋسقا قاتىستى جاعدايدىڭ ۋشىعىپ كەتۋىمەن تۇسىندىرگەن.
«بيلىك COVID-19-عا بايلانىستى سپورتشىلارىمىزدىڭ دەنساۋلىعىن ويلاي وتىرىپ كوماندا توكيوداعى وليمپيادا ويىندارىنا قاتىسپايدى دەگەن شەشىم قابىلدادى», دەلىنگەن حاتتا.
كەيبىر دەرەكتەرگە سۇيەنسەك, گۆينەيانىڭ وليمپياداعا قاتىسۋدان باس تارتۋىنىڭ ءبىر سەبەبى – ەل بيلىگى سپورتشىلاردىڭ جاپونياعا بارىپ-كەلۋىنە كەتەتىن شىعىنداردى وتەۋگە قاۋقارسىزدىق تانىتىپ وتىر.
