فوتو: startribune.com
ءىس-شارا شانحاي ىنتىماقتاستىق ۇيىمىنىڭ قۇرىلعانىنا 20 جىل تولۋىنا وراي بۇكىلقىتاي ايەلدەر فەدەراتسياسىنىڭ شىۇ حاتشىلىعىمەن بىرلەسىپ ۇيىمداستىرىلدى.
فورۋمعا ونلاين-فورماتتا قر پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ءتورايىمى ءلاززات رامازانوۆا قاتىستى.
پەكين فورۋمىنىڭ پىكىرتالاس الاڭىنىڭ تاقىرىبى - پەكين دەكلاراتسياسى مەن پەكين ءىس-قيمىل پلاتفورماسىنىڭ نەگىزگى مىندەتتەرىن ىسكە اسىرۋ بويىنشا جۇمىستىڭ باسىمدىقتارىنىڭ ءبىرى رەتىندە ايەلدەر اراسىنداعى كەدەيلىكتى جويۋ جانە ءبىلىم بەرۋ ماسەلەسى بولدى.
شىۇ-عا مۇشە مەملەكەتتەردىڭ وكىلدەرى - ىقپالدى ساياساتكەر ايەلدەر, كوشباسشى ايەلدەر, ايەلدەر ىستەرى جونىندەگى مينيسترلەر, ايەلدەر ۇيىمدارى مەن شىۇ-نا قاتىسۋشى ەلدەر بىرلەستىكتەرىنىڭ باسشىلارى تۇراقتى دامۋ ماقساتتارىنا جەتۋ جولىندا ايەلدەرگە ءبىلىم بەرۋ جانە كەدەيلىكتى قىسقارتۋ بويىنشا ۇزدىك تاجىريبەمەن الماستى
«قازاقستاندا حالىقتىڭ ايەلدەر بولىگىنىڭ تۇلعاسىندا قۇندى ادامي كاپيتالدى قالىپتاستىرۋعا مۇمكىندىك بەرەتىن جوسپارلى جۇمىس جۇرگىزىلۋدە. پرەزيدەنت ايەلدەردى مەملەكەتتىك جانە قوعامدىق باسقارۋعا, اسىرەسە جەرگىلىكتى دەڭگەيدە وڭىرلەردە بەلسەندى تارتۋ تۋرالى تاپسىرما بەردى جانە ول ەڭ باستىسى بولىپ سانالادى», دەپ اتاپ وتتى ۇلتتىق كوميسسيا باسشىسى ءلاززات رامازانوۆا.
كوپتەگەن «كلاسسيكالىق» رەيتينگتەر شەڭبەرىندە قازاقستان ەلىمىزدە «ايەلدەردىكى» بولىپ سانالاتىن ءبىلىم بەرۋ سالاسىنداعى نەعۇرلىم مىقتى پوزيتسيالاردى تۇراقتى كورسەتىپ وتىر. 2020 جىلى مەكتەپ وقۋشىلارىنىڭ 49%-ىن, تەحنيكالىق جانە كاسىپتىك ءبىلىم بەرۋ ۇيىمدارى وقۋشىلارىنىڭ 47,3%-ىن قىزدار قۇرادى. ەلىمىزدىڭ 125 جوعارى وقۋ ورىندارىندا قىزدار مەن ايەلدەردىڭ 53% وقيدى.
«بولاشاقتا تسيفرلىق تەحنولوگيالاردىڭ دامۋى ءداستۇرلى تۇردە «ەرلەردىكى» دەپ سانالاتىن IT-مامانداردىڭ ايەلدەر اراسىندا سۇرانىسىنىڭ وسۋىنە ىقپال ەتەتىن بولادى», دەپ اتادى ۇلتتىق كوميسسيا باسشىسى.
قازاقستاندىق تاراپ فورۋمدا قارالاتىن ماسەلەلەر بويىنشا ىنتىماقتاستىقتى نىعايتۋعا جانە حالىقارالىق باستامالاردى ىسكە اسىرۋعا سىندارلى ۇلەس قوسۋعا دايىن ەكەنىن ءبىلدىردى.
«بۇگىندە الەمگە جالپى ادامزاتتىڭ تۇراقتى دامۋىنىڭ نەگىزگى العىشارتى رەتىندە ءبىلىم بەرۋدى دامىتۋ جانە كەدەيلىكپەن كۇرەس ءۇشىن ايەلدەردى جانداندىرۋ قاجەت. قازاقستان ءوز كەزەگىندە وسى ماقساتتارعا جەتۋ جولىندا ءوزارا ءتيىمدى ىنتىماقتاستىققا كۇش سالادى», دەپ اتاپ ءوتتى ل. رامازانوۆا فورۋم قاتىسۋشىلارىنا.
