ەكونوميكا • 22 شىلدە، 2021

تۋريزم ءوڭىر دامۋىنا ىقپال ەتەدى

92 رەت كورسەتىلدى

قازاقستاندا ۇيىمداستىرىلعان ءتۋريزمدى دامىتۋ قاجەت. وكىنىش­كە قاراي، ۇيىمداستىرىلماعان، جاپپاي تۋريزم سالدارى­نان تۋريس­تەر قازاقستانداعى دەمالىس ورىندارىنا زالالىن تيگىزىپ جاتىر. بۇل تۋرالى «اتامەكەن» ۇلتتىق كاسىپكەرلەر پالاتاسىندا وتكەن تۇراقتى ءتۋريزمدى دامىتۋ جونىندەگى «مەملەكەتتىك قۇرى­لىمدارمەن ديالوگ» تاقىرىبىنداعى ونلاين كونفەرەنتسيا­دا ايتىلدى.

«اتامەكەن» ۇكپ باسقارما توراعاسىنىڭ ورىنباسارى يۋليا ياكۋپباەۆانىڭ ايتۋىنشا، پا­لاتا «Kazakh Tourism» ۇك» اق جانە مادەنيەت جانە سپورت مي­نيستر­لىگىمەن بىرلەسىپ، جول كارتاسىن قۇرعان. سونىڭ اياسىندا تۇ­راق­تى تۋريستىك ونىمدەردى، ەكو، اگرو­تۋريزمدى دامىتۋعا، قوناقۇي­لەردى اشۋ تاجىريبەسىن كەڭەيتۋگە جول اشىلماق. وسىلايشا، ءوڭىردىڭ ەكونوميكاسىن وركەندەتۋگە، جۇمىس ورىندارىن قۇرۋعا جانە جەرگىلىكتى تۇرعىندارعا قوسىمشا تابىس كوزى بولاتىن ءتۋريزمدى جەتىلدىرۋگە كو­ڭىل بولىنەدى.

سپيكەردىڭ ايتۋىنشا، قول­دانىستاعى جانە نارىقتا جاڭادان پايدا بولىپ جاتقان تۋريستىك ونىمدەر كادەسىي ءونىمىن ساتىپ الۋ، ۇلتتىق جانە ءوڭىر ءۇشىن ەرەكشە تاعامداردىڭ ءدامىن تاتۋ، ادەمى فوتوسۋرەت جاساۋدى قامتۋى ءتيىس. ول ءۇشىن ۇكپ ماماندارى تۋريستىك ءونىمدى قالىپتاستىرۋ ۇدەرىسىنە، تۋريستىك مارشرۋت قالىپتاسىپ جاتقان ورىنعا شاعىن بيزنەستى، سونىڭ ىشىندە وڭىرلىك كاسىپكەرلەردى تارتۋ قاجەت دەپ سانايدى. «وڭىردەگى شاعىن بيزنەس ونىمدەر تىزبەسىن كەڭەيتۋگە جەرگىلىكتى تۇرعىندار دا قاتىسۋى كەرەك. مىسالى، جىلقىلاردى جالعا بەرۋ، تۋريستەردى ەگىستىكتەن كوكونىس جيناۋعا قىزىقتىرۋ، قولونەر بو­يىنشا شەبەرلىك ساباقتار وتكىزۋ، ۇلتتىق تاعامدار ۇسىنۋ سىندى شارالاردى ۇيىمداستىرۋ كەرەك. قولونەر ونىمدەرى قازاقتىڭ ۇلتتىق قولونەرىن الەمگە تانىتىپ قانا قويماي، جەكەلەگەن ءوڭىردىڭ تانىلۋىنا جانە ىلگەرىلەۋىنە دە ىقپال ەتەرى انىق»، دەيدى يۋ.ياكۋپباەۆا.

كونفەرەنتسيا اياسىندا قاتى­سۋشىلار ەكورەسۋرستاردى ۇتىمدى پايدالانۋ، جۇمىسسىزدىق پەن كەدەيلىكپەن كۇرەس، قازىرگى زامانعى ارزان تۋريزم جانە تۋريستىك ونىمدەردىڭ ساپاسىن جاقسارتۋ سىندى ماسەلەلەردى دە تالقىلادى.

«اتامەكەن» ۇكپ ءباسپاسوز قىز­مەتى بەرگەن مالىمەت بويىنشا،­ ۇلتتىق كاسىپكەرلەر پالاتا­سى بيىل مادەنيەت جانە سپورت­ مينيسترلىگى جانە «Kazakh Tou­rism» ۇك» اق-مەن ۇشجاقتى كەلى­سىم­­­شارت  جاساسقان. وسى قۇجات بو­يىنشا وبەكتىلەردى اباتتاندىرۋ بويىنشا ناقتى شارالاردى انىقتاۋ ءۇشىن قولدانىستاعى تۋريستىك مارشرۋتتاردى دياگنوس­تيكالاۋ; اگروتۋريزمدى دامىتۋ بو­يىنشا وقىتۋ سەمينارلارىن وتكىزۋ; ەكوتۋريزمدى دامىتۋ ءۇشىن قوناق­ۇيلەر سانىن ارتتىرۋ ماقساتىندا ترەنينگتەر وتكىزۋ; قولونەر تۇر­لەرىن ساقتاۋ جانە ىلگەرىلەتۋ تاسىل­دەرىن پىسىقتاۋ سىندى شارالاردى ۇيىمداستىرۋ جوسپارلانعان.

سوڭعى جاڭالىقتار

پاريجگە سىيماعان پول

ونەر • بۇگىن، 21:16

قارتتار ۇيىندەگى ۆالس

قوعام • بۇگىن، 21:05

دوللار قايتا كوتەرىلدى

قارجى • بۇگىن، 16:35

ۇقساس جاڭالىقتار