بۇگىن, 10 قاڭتار كۇنى قازاقستان ايماقتارىنىڭ باسىم بولىگىندە اۋا رايى كۇرت وزگەرىپ, قار مەن جەل كۇشەيە تۇسەدى. بۇل تۋرالى Ras.kz حابارلادى.
«قازاقستان تەرريتورياسىنىڭ باسىم بولىگى اتموسفەرالىق بەلدەۋلەرگە ءبولىنىپ, كەي جەرلەردە قار, بۇرقاسىن بولۋى, جەلدىڭ كۇشەيۋى, تاعى ءبىر جەرلەردە تۇمان ءتۇسۋى كۇتىلۋدە. تەڭ وڭتۇستىكتە, وڭتۇستىك-شىعىستا عانا بۇرىنعىسىنشا جاۋىن-شاشىن بولمايدى», – دەلىنگەن حابارلامادا.
اقمولا, سولتۇستىك قازاقستان, پاۆلودار, قوستاناي وبلىستارىندا, كۇندىز اقتوبە وبلىسىندا كەي جەرلەردە بۇرقاسىن تۇرادى دەپ كۇتىلۋدە, جەلدىڭ ەكپىنى سەكۋندىنا 15-22 مەترگە جەتەدى.
الماتى وبلىسىنىڭ جالاڭاشكول اۋدانىندا جەلدىڭ ەپكىنى 15-20 مەتر بولادى.
قىزىلوردا وبلىسىنىڭ, تۇندە جانە تاڭەرتەڭ وڭتۇستىك قازاقستان وبلىسىنىڭ كەي جەرلەرىندە تۇمان تۇسەدى.
اتىراۋ, باتىس قازاقستان وبلىستارىنىڭ كەي جەرلەرىندە تۇمان تۇسەدى دەپ كۇتىلۋدە, تايعاق بولادى, جەلدىڭ كۇشى 15-20 مەترگە جەتەدى.
جامبىل وبلىسىندا, تۇندە ماڭعىستاۋ وبلىسىنىڭ كەي جەرلەرىندە تۇمان ءتۇسىپ, 15-22 مەتر جىلدامدىقپەن جەل سوعادى.
شىعىس قازاقستان وبلىسىنىڭ كەي جەرلەرىندە جەلدىڭ كۇشەيۋى 15-20 مەتر بولىپ, جاياۋ بۇرقاسىن سوعادى.
الماتىدا كوشپەلى بۇلت شىعادى, جاۋىن-شاشىنسىز. جەل 0-5 مەترلىك. تەمپەراتۋرا تۇندە 11-13, كۇندىز 4-6 گرادۋس اياز.
استانادا كوشپەلى بۇلت كوتەرىلەدى. وقتا-تەكتە قار جاۋىپ, بوران ۇيتقيدى. وڭتۇستىك–باتىستان 9-14 مەترلىك جەل تۇرادى, ونىڭ كوتەرىلۋى 15-18 مەترگە بارادى. تەمپەراتۋرا تۇندە 15-17, كۇندىز 6-8 اياز بولادى.
ماقسات يسلام.
دەرەككوز: Ras.kz
فوتو: News. Nur.kz.
