ماڭعىستاۋ وبلىستىق كەدەندىك باقىلاۋ دەپارتامەنتىنىڭ قىزمەتكەرلەرى سالىقتان جالتارعان كاسىپكەردىڭ قيتۇرقىلىق ارەكەتىن اشكەرەلەدى. بۇل تۋرالى «حابار» تەلەارناسى حابارلادى.
جەرگىلىكتى جەردەگى سەرىكتەستىك يران يسلام رەسپۋبليكاسىنان حالىق تۇتىناتىن ونىمدەردى ءبىر جىل بويى ەلگە زاڭسىز كىرگىزىپتى. ناقتى ايتقاندا, جەمىس-جيدەكتەردىڭ باعالىق اقپاراتتىق قۇنىن ادەيى تومەندەتىپ كورسەتىپ, سالىقتىڭ بەلگىلى ءبىر مولشەرىن تولەۋدەن جالتارعان. سونىڭ سالدارىنان مەملەكەتكە 29 ملن. تەڭگە شىعىن كەلدى.
«سالىقتان جالتارعان كاسىپكەرگە قاتىستى قىلمىستىق كودەكستىڭ 214-بابىنىڭ 1-ءبولىمى بويىنشا قىلمىستىق ءىس قوزعالىپ, تەرگەۋ امالدارى جۇرگىزىلۋدە. سوندىقتان بۇل ءىس تۋرالى دەرەكتى قوسىمشا حابارلايمىز»,-دەيدى وبلىستىق كەدەندىك باقىلاۋ دەپارتامەنتىنىڭ كونتراباندالىق قىلمىسقا قارسى كۇرەس باسقارماسىنىڭ باسشىسى ومىرسەرىك تاجىماعانبەتوۆ.
باقىتبەك كەنەش ۇلى.
دەرەككوز: «حابار» تەلەارناسى
فوتو: Tengrinews.kz.
