«Sputnik قىرعىزستان» سايتىنىڭ دەرەگىنشە, بۇل اتا-اناسىنىڭ ءوتىنىشى بولعان.
«ونىڭ بەس تۋىسى وزەن ارقىلى وتەتىن كوپىردەن قاراكول-الاكول جايلاۋىنا ءوتىپ, وتىن الۋعا كەتەدى. بىراق ول ەكىنشى جاعالاۋدا قالادى. قىزدىڭ قازاقستان ازاماتتىعى بار, بىراق وتباسى رەسەيدەن كەلگەن», دەلىنگەن تجم حابارلاماسىندا.
قىزدىڭ تۋىسقاندارى ىزدەۋ جۇمىسىن توقتاتىپ, ەلگە ورالۋدى شەشكەن.
«ىزدەۋ جۇمىستارىن توقتاتۋ تۋرالى ءوتىنىش جوعالىپ كەتكەن ادامنىڭ اتا-اناسىنان تۇسكەن. قىزدىڭ تۋىسقاندارى ءبىزدىڭ قۇتقارۋشىلار سياقتى جوعالىپ كەتكەن ادامدى تىرىدەي تابۋ ءىس جۇزىندە مۇمكىن ەمەستىگىن ىشتەي جاقسى تۇسىنەدى. قىز ورماندا اداسىپ كەتتى دەگەن ءۇمىت بولدى, بىراق ول اقتالمادى», دەپ ناقتىلادى قۇتقارۋشىلار.
ىزدەۋگە 100-دەن استام پوليتسيا قىزمەتكەرلەرى مەن توتەنشە جاعدايلار مينيسترلىگى وكىلدەرى قاتىستى. ولار 20 شاقىرىمنان استام اۋماقتى تەكسەردى.
