پاۆلودار وبلىسىنداعى ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ 2-كۋرس ستۋدەنتى نازيفا باقتىباەۆا عارىش تەحنيكاسىنىڭ وزىق ۇلگىسىن ويلاپ تاپتى.
پاۆلودار وبلىسىنداعى ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ 2-كۋرس ستۋدەنتى نازيفا باقتىباەۆا عارىش تەحنيكاسىنىڭ وزىق ۇلگىسىن ويلاپ تاپتى.
ول كۇن جۇيەسىندەگى اسپان دەنەلەرىنىڭ اتموسفەراسىن زەرتتەۋگە ارنالعان جوبا بولاتىن. قازىر ول اتالمىش وقۋ ورنىندا عارىش تەحنيكاسى مەن تەحنولوگياسى بويىنشا ءبىلىم الۋدا. وسى ورايدا ونىڭ وتكەن جىلعى كۇزدە رەسەيدەگى اۆياتسيا ينستيتۋتىندا وتكەن اەروعارىش ونكۇندىگىنە بارىپ كەلگەنىن اتاپ وتكەن ءجون. وسى عىلىمي جيىنعا اتالعان ەلدىڭ 38 جەتەكشى وقۋ ورنىنىڭ ستۋدەنتتەرى قاتىسقان. سولاردىڭ اراسىنان ن.باقتىباەۆانىڭ عىلىمي جۇمىسى وڭ باعالانىپ, جوعارى دارەجەلى ديپلوممەن ماراپاتتالعان.
زەرتتەۋ جۇمىستارىنان, وقۋى مەن عىلىمي شارالاردان ستۋدەنت قىزدىڭ قولى بوس بولا بەرمەيدى. قولى قالت ەتكەن كەزدە سۋرەت سالىپ, مانەرلەپ سىرعاناۋمەن اينالىسادى. بولاشاقتا قازاقستان عارىش سالاسىنىڭ دامۋىنا ۇلەس قوسۋدى ماقسات تۇتادى.
قاليحان تۇرماحان ۇلى.
