ANTIKOR • 21 شىلدە، 2021

الماتى وبلىسىندا ءىرى كولەمدە پارا العان شەنەۋنىك ۇستالدى

780 رەت كورسەتىلدى

الماتى وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باستىعى مەن كەلىسىمشارت جاساۋشى ۇيىم باسشىلىعىنا قاتىستى اسا اۋىر سىبايلاس جەمقورلىق قىلمىستار جاسادى دەگەن كۇدىكپەن سوتقا دەيىنگى تەرگەۋ باستالدى، دەپ حابارلايدى Egemen.kz.

ء«بولىم باستىعى جشس باسشىلىعىنان 666 ميلليون تەڭگەلىك كەلىسىمشارتتىڭ 15% قۇرايتىن الدىن الا كەلىسىلگەن 90 ميلليون تەڭگەنىڭ 33 500 اقش دوللارىن پارا رەتىندە الدى دەگەن كۇدىككە ءىلىندى. ول پارانى جشس-ءنى مەملەكەتتىك ساتىپ الۋ كونكۋرسىنىڭ جەڭىمپازى دەپ تانۋ جانە «بيزنەستىڭ جول كارتاسى-2025» بيزنەستى دامىتۋ مەملەكەتتىك قولداۋ باعدارلاماسى اياسىندا بولىنگەن قاراجات ەسەبىنەن سالىنىپ جاتقان وبەكتىدە ورىندالعان جۇمىس كولەمىن ودان ءارى كەدەرگىسىز قابىلداۋ ءۇشىن العان»، دەلىنگەن سىبايلاس جەمقورلىققا قارسى قىزمەت حابارلاماسىندا.

دەپارتامەنتتىڭ ناقتىلاۋى بويىنشا، مەردىگەر ۇيىمنىڭ لاۋازىمدى ادامى، قۇرىلتايشىسى جانە ديرەكتورى اسا ءىرى كولەمدە پارا الدى جانە پارا بەردى دەگەن كۇدىكپەن ۇستالىپ، الماتى وبلىسىنىڭ ۋاقىتشا ۇستاۋ يزولياتورلارىنا قامالدى.

«پروفيلاكتيكالىق شارانى تاڭداۋ ماسەلەسى شەشىلۋدە. تەرگەۋ امالدارى جالعاسۋدا. قر قىلمىستىق ءىس جۇرگىزۋ كودەكسىنىڭ 201-بابىنا سايكەس، تەرگەۋ مۇددەلەرىنە قاتىستى باسقا اقپارا جاريا ەتۋگە جاتپايدى»،  دەدى سىبايلاس جەمقورلىققا قارسى قىزمەت.

 

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

ۇقساس جاڭالىقتار