قۇربان ايتتىڭ ءبىرىنشى كۇنى ەلوردادا 450 قوي جانە 21 سيىر قۇرباندىققا شالىندى، دەپ حابارلايدى Egemen.kz قازاقستان مۇسىلماندارى ءدىني باسقارماسىنا سىلتەمە جاساپ.
قمدب-نىڭ مالىمەتىنشە، ەلوردادا قۇربان شالۋ ءراسىمى تاڭعى ساعات 08:00-دە باستالدى. اكىمدىكتىڭ قولداۋىمەن قالا بويىنشا بيىل 4 نىسان qurban.kz جوباسى اياسىندا قىزمەت كورسەتۋگە جۇمىلدىرىلعان.
قالانىڭ باس يمامى ەربولات ءجۇسىپوۆ باستاعان وكىلدىك قىزمەتكەرلەرى اتالعان نىساندارداعى قۇربان شالۋ ءراسىمىن اتقارىپ، اتالمىش سايت ارقىلى تاپسىرىس بەرگەن جانداردىڭ اماناتىن ورىندادى. ءاربىر تاپسىرىس بەرۋشىنىڭ قۇرباندىعىن سويۋ بارىسى بەينەجازباعا ءتۇسىرىلىپ، قۇربان شالۋشىلارعا جونەلتىلىپ وتىردى.
«قۇربان ايت مەرەكەسىنىڭ العاشقى كۇنى نۇر-سۇلتان قالاسى بويىنشا 450 قوي جانە 21 سيىر قۇرباندىققا شالىندى. قۇرباندىق ەتتەرى سول جەردەن بىردەن بولشەكتەلىپ، ارنايى پاكەتتەرگە سالىنىپ، ەرىكتىلەر ارقىلى مۇقتاج جانداردىڭ مەكەنجايىنا جول تارتتى. يگىلىكتى شارا ايت مەرەكەسى بويى، ياعني ءۇش كۇنگە سوزىلادى»، دەلىنگەن اقپاراتتا.
بۇعان دەيىن حابارلاعانىمىزداي، ەلىمىزدىڭ باس ءمۇفتيى ناۋرىزباي قاجى تاعان ۇلى 2 مىڭنان استام قازاقستاندىق ونلاين قۇرباندىق شالعانىن مالىمدەگەن بولاتىن.
جىبەك قۇلامباەۆا تۇركياداعى جارىستا جەڭىمپاز اتاندى
تەننيس • كەشە
ۇقشۇ ەلدەرى كەشەندى وقۋ-جاتتىعۋ وتكىزەدى
وقيعا • كەشە
ريم پاپاسى اۋرۋحانادان شىعارىلدى
الەم • كەشە
ۇقساس جاڭالىقتار
