«وبلىس اكىمى ماحامبەت دوسمۇحامبەتوۆ بۇل پروبلەمانى ۇنەمى باقىلاۋىندا ۇستاپ, جىلدامداتىپ شەشۋدى تاپسىرعان بولاتىن. وبلىستىق ءماسليحات بۇل باعىتتا پويىز جۇرگىزۋدى الەۋمەتتىك ماڭىزى بار ءىس-شارا رەتىندە قولدادى» دەپ اقپارات تاراتتى وبلىس اكىمىنىڭ ءباسپاسوز قىزمەتى.
وسىعان وراي وبلىستىق جولاۋشىلار كولىگى جانە اۆتوموبيل جولدارى باسقارماسى 13 شىلدەدە «اتىراۋ-اققىستاۋ-قۇرمانعازى-د.نۇرپەيىسوۆا» ستانسالارى باعىتىندا تەمىرجول كولىگى ارقىلى جولاۋشىلار تاسىمالىن ۇيىمداستىرۋ ءۇشىن اشىق كونكۋرس جاريالادى.
«كونكۋرسقا قاتىسىپ, تاسىمالداۋشى بولعىسى كەلەتىن 5 مەكەمەنىڭ قۇجاتتارى قابىلداندى. قولدانىستاعى زاڭدارعا ساي كونكۋرستىق كوميسسيانىڭ وتىرىسى ءوتىپ, جەڭىمپاز انىقتالىپ, حاتتاما تولتىرىلادى. سودان كەيىن باسقارما مەن مەردىگەر مەكەمە اراسىندا كەلىسىمشارت جاسالادى» دەلىنگەن ءباسپاسوز قىزمەتىنىڭ اقپاراتىندا.
