باتىس قازاقستان وبلىستىق پوليتسيا دەپارتامەنتى كوروناۆيرۋس ينفەكتسياسىن تاراتۋعا سەپ بولىپ وتىرعان قىلمىستاردىڭ جولىن كەسۋگە ەرەكشە كوڭىل ءبولىپ كەلەدى. سونىڭ ىشىندە جالعان مەديتسينالىق قۇجات جاساۋ ماسەلەسى باستى نازاردا تۇر.
كريمينالدى پوليتسيا باسقارماسى جەدەل ىزدەستىرۋ شارالارى ناتيجەسىندە ورال قالاسىندا تۇراتىن 19 جاسار ەكى ازاماتتى تۇتقىنعا الدى. ولار كوروناۆيرۋس ناتيجەسىن كورسەتەتىن جالعان پتر قۇجاتىن دايىنداعان. ول ءۇشىن بۇدان جاسالعان تەست انىقتامالارىن پايدالانعان. ودان بولەك, قازاقستان-رەسەي شەكاراسىنان كەدەرگىسىز ءوتۋ ءۇشىن رەسەيلىك مەديتسينا مەكەمەلەرىنەن جالعان شاقىرتۋ قاعازدارىن دا جاساعان.
ءتىنتۋ كەزىندە ولاردىڭ جۇمىس ورنىنان ناقتى دالەلدەر, نوۋتبۋك جانە قاراجات تابىلعان. قازىر قازاقستان رەسپۋبليكاسى قىلمىستىق كودەكسىنىڭ 385-بابى بويىنشا قىلمىستىق ءىس كوتەرىلىپ, تەرگەۋ باستالدى.
باتىس قازاقستان
