كوپتەگەن جاپوندىقتار مەن شەتەلدىكتەر توكيو وليمپياداسىن اسىعا كۇتتى, بىراق كارانتين تالاپتارىنا بايلانىستى جارىسقا كىرۋگە تىيىم سالىندى. سايكەسىنشە, City Cast جۇيەسىنە قاجەتتى ەرىكتىلەر سانى دا ازايدى. وسىعان بايلانىستى Nippon Foundation ەرىكتىلەردى قولداۋ ورتالىعى اقىسىز ونلاين تۋر وتكىزۋدى جوسپارلاپ وتىر.
«89 ەرىكتىدەن قۇرالعان 20 كوماندا City Cast-ءى باسقاراتىن جەرگىلىكتى اكىمشىلىكتەرمەن بىرلەسىپ, بارلىق تالاپقا ساي كەلەتىن ونلاين-كونتەنت جاساپ جاتىر. وندا ەرىكتىلەر Airbnb پلاتفورماسىن قولدانا وتىرىپ, جارىس الاڭدارى تۋرالى اعىلشىنشا, جاپونشا اقپارات تاراتادى. جوبا كورەرمەندەرىڭ ساياحات اۋراسىن از دا بولسا سەزىنۋى ءۇشىن جاسالۋدا», دەپ جازىلعان ماقالادا.
اتاپ ايتقاندا, تۋرلار كەلەسى تاقىرىپتاردا ۇيىمداستىرىلادى:
«توكيوداعى تانىمال جاعالاۋعا نۇسقاۋلىق: اساكۋسا, سۋميدا وزەنى, ودايبا» (اعىلشىن تىلىندە);
سامۋرايلاردى ىزدەستىرۋ: حوكۋسوداعى ۇلتتىق مۇرا سانالاتىن ناريتا مەن ساكۋراعا قىسقا ساياحات (اعىلشىن تىلىندە);
«قايتا قۇرۋعا كومەك العىسى: مياگي پرەفەكتۋراسىنىڭ حيگاتسيماتسۋسيما قالاسىنداعى كورىكتى جەرلەر مەن ءدامدى تاعامدار» (اعىلشىن تىلىندە);
«توكيو گەوگرافياسى, تاريحىمەن تانىسۋ, پاراليمپيادالىق مارافون وتەتىن جەرلەر» (جاپون تىلىندە).
