قوعام • 16 شىلدە، 2021

ەلىمىزدىڭ 7 وڭىرىندە ديزەل باعاسى ارزاندادى

71 رەت كورسەتىلدى

جانارماي قۇيۋ ستانتسيالارى مونوپولياعا قارسى ۆەدومستۆونىڭ ديزەل وتىنىنا باعانى تومەندەتۋ جونىندەگى تالاپتارىن ورىندادى، دەپ حابارلايدى Egemen.kz.

بۇل تۋرالى باسەكەلەستىكتى قورعاۋ اگەنتتىگى مالىمدەدى.

بۇعان دەيىن مامىر ايىنان باستاپ ەلىمىزدىڭ وڭتۇستىگىندە ديزەل وتىنىنا باعانىڭ وسكەنى تۋرالى حابارلانعان بولاتىن.

وسى ورايدا، قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگى جۇرگىزىلگەن تالداۋ قورىتىندىسى بويىنشا ديزەل وتىنى باعاسىنىڭ ءوسۋى الىپساتارلىق سيپاتقا يە ەكەنىن انىقتادى.

وسىعان بايلانىستى، 19 اجقس-قا ديزەل وتىنىنا باعانى تومەندەتۋ ارقىلى ءسوز بايلاسۋ بەلگىلەرىن جويۋ قاجەتتىلىگى تۋرالى حابارلاما جىبەرىلدى. حابارلامانى ورىنداۋ مەرزىمى ونى العان كۇننەن باستاپ كۇنتىزبەلىك 30 كۇندى قۇرايدى. حابارلامانى ورىنداماۋ مونوپولياعا قارسى تەرگەۋ جۇرگىزۋگە نەگىز بولادى. بۇل حابارلامالاردى نارىق سۋبەكتىلەرىنىڭ كوپشىلىگى مەرزىمىنەن بۇرىن ورىندادى جانە باعانى تومەندەتۋگە دايىن ەكەندىكتەرىن حابارلادى.

نۇر-سۇلتان، الماتى، شىمكەنت قالالارى مەن قىزىلوردا، جامبىل، تۇركىستان، الماتى وبلىستارىندا ءار ليتر باعاسى 2-دەن 5 تەڭگەگە دەيىن تومەندەتىلدى.

سونىمەن قاتار، وسى جىلدىڭ 1 شىلدەسىنەن باستاپ ديزەل وتىنىنا اكتسيز باعاسى تونناسىنا 540 تەڭگەدەن 9 مىڭ 300 تەڭگەگە دەيىن كوتەرىلگەنىن اتاپ ءوتۋ قاجەت، بۇل فاكتور كەيىن باعاعا اسەر ەتۋى مۇمكىن. باعالىق ءسوز بايلاسۋعا جانە ججم باعاسىنىڭ نەگىزسىز وسۋىنە جول بەرمەۋ ماسەلەسى اگەنتتىكتىڭ تۇراقتى باقىلاۋىندا.

سوڭعى جاڭالىقتار

شىمكەنتتە دە LRT سالىنۋى مۇمكىن

ايماقتار • بۇگىن، 12:50

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

ۇقساس جاڭالىقتار