الەم • 16 شىلدە، 2021

گەرمانيادا سۋ تاسقىنىنا بايلانىستى اسكەري اپات رەجيمى ەنگىزىلدى

65 رەت كورسەتىلدى

گەرمانيادا ەلدىڭ باتىسىنداعى سۋ تاسقىنىنا بايلانىستى اسكەري اپات رەجيمى ەنگىزىلدى، دەپ حابارلايدى Egemen.kz.

دۇيسەنبىدەن بەرى ايماقتا ەكى ايلىق جاۋىننىڭ مولشەرى جاۋىپ، رەيننىڭ ەكى سالاسى – ار جانە موزەل جانە بىرنەشە كىشى وزەن ارناسىنان استىن استى. اسىرەسە سولتۇستىك رەين-ۆەستفاليا جانە رەينلاند-پفالتس جەرلەرى زارداپ شەكتى. توپىراقتىڭ شوگۋىنە بايلانىستى كەيبىر ۇيلەر قۇلادى.

ال كەيبىر تۇرعىندار كوتەرىلىپ جاتقان سۋدان قاشىپ، شاتىردا كومەك كۇتۋگە ءماجبۇر بولدى. وڭىردە قۇتقارۋشىلار مەن 900-گە جۋىق اسكەري قىزمەتكەرلەر جۇمىس ىستەيدى. سۋ تاسقىنى سالدارىنان جۇزدەن استام ادامنىڭ ءولىمى راستالدى. تاعى مىڭعا جۋىعى حابار- وشارسىز كەتكەن. بيلىك ولاردىڭ سانى از بولۋى مۇمكىن ەكەنىن ايتادى.

الايدا جولداردى سۋ باسىپ، ۇيالى جەلىسىنىڭ بولماۋىنا بايلانىستى كوپتەگەن ادامدار زارداپ شەككەن اۋدانداردا تۇراتىن تۋىستارىمەن حابارلاسا الماي وتىر. گەرمانيا پرەزيدەنتى فرانك-ۆالتەر شتاينمايەر قايتىس بولعان جانداردىڭ وتباسىنا كوڭىل ايتىپ، قولداۋ ءبىلدىردى.

سونداي-اق ەلدەردى جاھاندىق جىلىنۋ مەن كليماتتىڭ وزگەرۋىنە قارسى تۇرۋ ءۇشىن كوپ كۇش سالۋعا شاقىردى.

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار