باسقارما باسشىسىنىڭ ايتۋىنشا, 2021 جىلدىڭ 6 ايىندا قالادا دەنە شىنىقتىرۋمەن جانە سپورتپەن جۇيەلى تۇردە شۇعىلداناتىن ازاماتتار سانى 340305 ادام نەمەسە قالا تۇرعىندارىنىڭ جالپى سانىنان 31,2 %-ىن قۇرادى.
جىل باسىنان بەرى قالا اۋماعىندا سپورت الاڭشالارى جوق تۇرعىن الاپتار مەن شاعىناۋدانداردا سپورت الاڭشالارىن سالۋ ءۇشىن جالپى 115 جەر تەلىمى قاراستىرىلدى. ءال-فارابي اۋدانىندا ورنالاسقان 7 جەر تەلىمگە «Shymkent Plaza» ساۋدا, ويىن-ساۋىق ورتالىعىنىڭ دەمەۋشىلىگىمەن سپورت الاڭشالارىنىڭ قۇرىلىسىن جۇرگىزۋ جوسپارلانعان. قازىرگى ۋاقىتتا 3 سپورت الاڭشانىڭ قۇرىلىسى باستالدى.
سونىمەن قاتار «ەۆرازيسكايا گرۋپپا» جشس دەمەۋشىلىگىمەن 7 جەر تەلىمگە سپورت الاڭشالاردىڭ قۇرىلىسىن جۇرگىزۋ جوسپارلانىپ وتىر. قازىرگى ۋاقىتتا 4 سپورت الاڭشانىڭ قۇرىلىسى باستالدى.
ءار ءتورت جىلدا ءبىر رەت وتەتىن قازاقستان رەسپۋبليكاسىنىڭ V جاستار سپورتتىق ويىندارىندا شىمكەنت قالاسىنىڭ قۇراما كومانداسى 882 ۇپايمەن جالپى كوماندالىق ەسەپتە 3-ورىندا كەلەدى. جارىستىڭ قورىتىندىسى بيىل تامىز ايىندا انىقتالادى.
سونداي-اق قالا سپورتشىلارى قر چەمپيوناتتارى, كۋبوكتارى مەن بىرىنشىلىكتەرگە قاتىسىپ, 364 التىن, 260 كۇمىس, 312 قولا جۇلدە جەڭىپ الدى. ازيا چەمپيوناتتارى مەن كۋبوكتارىندا قالا سپورتشىلارى 5 التىن, 7 كۇمىس, 4 قولا مەدالگە قول جەتكىزسە, الەم چەمپيوناتتارى مەن كۋبوكتارىندا 4 التىن, 6 كۇمىس جانە 12 قولا مەدالگە يە بولدى.
2021 جىلدىڭ 6 ايىندا 4 حالىقارالىق دارەجەدەگى سپورت شەبەرى, 98 - قازاقستان رەسپۋبليكاسىنىڭ سپورت شەبەرى, 140 سپورت شەبەرىنە ۇمىتكەر سپورتشىلار دايىندالدى.
باسقارما باسشىسى تۇرعىنداردىڭ بۇقارالىق سپورتقا قولجەتىمدىلىكتى ارتتىرۋ, سپورت الاڭشالارىنىڭ قۇرىلىسى بويىنشا ساۋالدارىنا جاۋاپ بەردى.
