ايماقتار • 15 شىلدە، 2021

الماتى ۇشەمدەرى قاتارعا قوسىلدى

98 رەت كورسەتىلدى

تەك بيىلدىڭ وزىندە الما­تىدا 60 مىڭنان استام ادام ىندەت شەڭگەلىنە ىلىك­كەن ەكەن. بۇلاردىڭ ءبارى دەر­لىك ساۋىعىپ، وتباسىلا­رىنا قوسىلعانىمەن، ۇيىنە قايتپاي قالعاندار دا بار. دەگەن­مەن ميلليون-ميل­ليون قالادا جاقسى جاڭا­لىقتار دا جوق ەمەس.

بيىل 26 مامىر كۇنى ال­ما­تى قالالىق پەريناتالدىق ور­تالى­عى­نىڭ دارىگەرلەرى 24 جاستاعى اياعى اۋىر كەلىنشەكتى قابىلداپ، تۇسكە قاراي ۇشەمدى بوساندىرىپ العان ەدى. ىرىمعا سەنەتىن ەلمىز، ءبىر اياعى جەردە، ءبىر اياعى كوردە دەي­تىن حالدەگى ەلەۋلى وقيعانى سول كەز­دە جالاۋلاتا قويماعانىمىز دا راس.

شارانالار مەرزىمىنەن بۇرىن 910 گرامم، 930 گرامم جانە 980 گرامم ارالىعىندا شالا تۋىلعان. الاي­دا ادەتتەگىدەي دارىگەرلەر وسى ءۇش قىزدىڭ ءومىرىن ساقتاپ قا­لۋ ءۇشىن قولدان كەلگەننىڭ ءبا­رىن جاسادى. دۇنيەگە كەلگەن ۇشەم جان­ساقتاۋ بولىمشەسىندە جاتقىزىلدى. رەانيماتسيادان كەيىن قارقىندى تەراپيا بولىمشەسىندە ەم الدى. كۇتۋ كەزەڭى سابيلەردىڭ وڭال­عانىنان بايقاتىپ، جاڭا تۋعان نارەس­تە­لەر­دىڭ جاعدايى تۇراقتالعان سوڭ جالپى بولىمشەگە اۋىستىرىلدى.

قازىرگى ۋاقىتتا بوسانعان ايەل­دىڭ جانە 3 قىزدىڭ جاعدايى جاقسى دەۋگە بولادى. جاس انا مەن ۇشەمدەر 47 كۇننەن كەيىن پەريناتالدىق ورتالىقتان ۇيىنە شىعارىلدى. الداعى ۋاقىتتا بالالاردى وت­با­سىنىڭ تۇرعىلىقتى جەرى بو­يىن­شا ەمحانانىڭ دارىگەرلەرى قادا­عالايتىن بولادى.

جاس بوسانعان ايىم ساعات­بەك­تىڭ ايتۋىنشا، العاش ۇشەم ەكەنىن بىلگەن كەزدە ازداپ قورقى­نىش پايدا بولعاندىقتان، قۇرساق­تاعى شاقالاقتاردىڭ جىنىسى ماڭىزدى بولماعان. تەك امان-ەسەن دۇنيەگە كەلسە ەكەن، دەگەن تىلەۋمەن بو­سان­عاننان كەيىن سابيلەردى بىر­دەن رەانيماتسياعا الىپ كەتتى، دارى­گەرلەر وتە جاقسى قارادى. جان­ساقتاۋ بولىمشەسىنەن 10-15 كۇن ارا­لىعىندا ءبىرىنشى ەكى قىز بالا شىقتى، سودان كەيىن سەزىم شىعىپتى.

«جالپى قىزداردىڭ دەنساۋ­لىقتارى جاقسى، ءسۇتتى ءوز بەتتەرىمەن ەمىپ، قازىرگى تاڭدا ءبىرىنشى نارەستە 930 گراممەن تۋىلىپ، 1935 گراممەن شىعىپ جاتىر. ەكىنشىسى 980 گراممەن تۋىلىپ، 2009 گراممەن شىعىپ جاتىر. ءۇشىنشى نارەستەمىز 910 گراممەن تۋىلىپ ەدى، 1730 گراممەن شىعىپ بارا جاتىر»، دەيدى قالالىق پەريناتالدىق ور­تالىعى باس دارىگەرىنى ورىنباسارى بوتاگوز ارىنوۆا.

 

الماتى

 

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار