حابار 24 ارناسى سارسەنبىدە ەكس-ءمينيستردىڭ قورعاۋشىسى نۇرلان بەيسەكەەۆ وسى جاعداي بويىنشا جاۋاپ بەگەنىن مالىمدەدى.
قورعاۋشىنىڭ ايتۋىنشا, ءبىرتانوۆ 2020 جىلدىڭ 12-13 ماۋسىمىندا جۇمىس ساپارىمەن جامبىل وبلىسىندا بولعان. بۇل ىسساپارعا قازاقستاننىڭ پرەمەر-ءمينيسترى اسقار مامين دە بارعان. جۇمىس توبىنىڭ مۇشەلەرى قورداي اۋدانىندا بولىپ, كوروناۆيرۋسقا قارسى ۆاكتسينا دايىندايتىن زاۋىت قۇرىلىسىنىڭ بارىسىمەن تانىسقان. ادۆوكات اۋرۋ جۇقتىرۋ قاۋپى جوعارى بولعاندىقتان, ءبىرتانوۆ نۇر-سۇلتانعا پرەمەر-مينيستر جانە ۇكىمەت مۇشەلەرىمەن بىرگە ءبىر ۇشاقپەن قايتا الماعانىن جەتكىزدى. سول قيىن كەزەڭدە پرەمەر-ءمينيستردىڭ كوروناۆيرۋس جۇقتىرۋى مينيسترلەر كابينەتىنىڭ جۇمىسىنا ۇلكەن زيان كەلتىرۋى مۇمكىن ەدى.
«پرەزيدەنت پرەمەر-مينيستر مەن دەنساۋلىق ساقتاۋ مينيسترىنە كوروناۆيرۋستىڭ تارالۋىنا جول بەرمەۋ بويىنشا شتابقا جەتەكشىلىك ەتۋدى, توتەنشە جاعداي كەزىندە حالىقتى قورعاۋعا باعىتتالعان شۇعىل شارالار قابىلداۋدى تاپسىردى. نۇر-سۇلتانداعى تۇراقتى جۇمىس ورنىنا, تىركەلگەن مەديتسينا مەكەمەسىنە قايتۋى كەرەك ەدى. سوندىقتان ءبىرتانوۆتى تارازدان نۇر-سۇلتانعا ساناۆياتسيا كولىگىمەن جەتكىزۋ ەلدە قالىپتاسقان توتەنشە جاعداي كەزىندەگى ءماجبۇرلى شارا بولدى», دەدى ادۆوكات بەيسەكەەۆ.
ەكىجاقتى پنەۆمونيا تۇرىندەگى اۋرۋدىڭ اسقىنۋى انىقتالعا ءمينيستردىڭ جاعدايى ناشارلاۋىنا بايلانىستى ەلورداداعى ۇلتتىق كارديوورتالىققا جەتكىزىلگەن. ول 2020 جىلدىڭ 23 ماۋسىمىنا دەيىن وسى مەكەمەدە ەم قابىلداعان.
«تەك مەنىڭ جاعدايىمدا عانا ەمەس, باسقا جاعدايلاردا دا سانيتارلىق وكىلدەر ايماقتارعا ۇشتى, ۇشاقتار ۇشپاعان سوڭ شەشىم قابىلداۋ كەرەك بولدى. ءدارى-دارمەكتەردى, رەاكتيۆتەردى تاسىمالدادى, ۋحاننان كەلگەن ستۋدەنتتەردى دە ەلگە قايتاردى عوي. مۇنىڭ ءبارى جوعارى باسشىلىقپەن كەلىسىلدى, مەنىڭ جاعدايىم بويىنشا دا كەلىسىم بولعان. مەن پرەمەر-مينيسترگە حابارلادىم, سودان كەيىن عانا وسىنداي تاسىمالداۋدى ۇيىمداستىرۋدى ءوتىندىم», دەيدى ەكس-مينيستر ەلجان ءبىرتانوۆ, قر
