قازاقستان رەسپۋبليكاسى «عىلىم تۋرالى» زاڭىنىڭ 23 بابىنا سايكەس «وتانداستار قورى» كوممەرتسيالىق ەمەساكتسيونەرلىك قوعامى قر ءبىلىم جانە عىلىم مينيسترلىگىنىڭ عىلىمي جانە عىلىمي-زەرتتەۋ جۇمىستارىن جۇرگىزۋگە قۇقىلى مەكەمە رەتىندە اككرەديتاتسيادان ءوتىپ, ءتيىستى كۋالىك بەرىلگەن.
«وتانداستار قورى» بەرىلگەن كۋالىك اياسىندا مينيسترلىك تاراپىنان كۇن تارتىبىنە قويىلعان ءتۇرلى باعىتتاعى زەرتتەۋ جۇمىستارىمەن اينالىسا الادى. جاۋاپتى مينيسترلىك قوعامنىڭ عىلىمي بازاسى مەن قىزمەتكەرلەرىنىڭ سانىن جانە عىلىمي دارەجەسىن تەكسەرۋدەن وتكىزدى. بولاشاقتا تاريح, ەتنوگرافيا, ارحەولوگيا سالالارى بويىنشا كوشىپ كەلگەن قانداستارعا باعىتتالعان مەملەكەتتىك ساياسات پەن ءتۇرلى زاڭ جوبالار ساراپتالىپ عىلىمي تۇردە زەرتتەۋلەر جۇرگىزىلەدى. سونداي-اق قوعامعا شەتەلدەگى قانداس زيالى قاۋىم وكىلدەرى اقىن, جازۋشى, تاريحشى جانە تاعى باسقا ازاماتتاردان وزدەرى زەرتتەپ جازعان ەڭبەكتەرىن قازاقستاندا باسپادان شىعارۋعا كومەك كورسەتۋ جونىندە دە وتىنىشتەر كوپتەپ تۇسەدى», دەيدى «وتانداستار قورى» كەاق پرەزيدەنتىنىڭ كەڭەسشىسى قالىبەك قوبىلاندين.
اتالعان قۇجات نەگىزىندە «وتانداستار قورى» شەتەلدەگى قازاقتار مەن ەلىمىزگە كوشىپ كەلگەن قانداستاردىڭ ماسەلەلەرى, دياسپورا, كوشى-قون, دەموگرافيا باعىتتارى بويىنشا اۋقىمدى زەرتتەۋلەر جۇرگىزۋگە مۇمكىندىك الدى. زەرتتەۋ جۇمىستارىنىڭ ناتيجەسىندە ءتيىستى مەملەكەتتىك ورگاندارعا تۇيتكىلدى ماسەلەلەردى جەتكىزىپ, جاعدايدىڭ وڭ شەشىم تابۋىنا, مەملەكەتتىك ساياساتتى جەتىلدىرۋگە باعىتتالعان ۇسىنىستار ازىرلەپ, قولدانىسقا ەنگىزەتىن بولادى.
