قر قك 217-بابى 3-ءبولىمى 2-تارماعىنا سايكەس سوتقا دەيىنگى تەرگەۋدىڭ بىرىڭعاي تىزىلىمىندە تىركەلگەن قارجى پيراميداسىن قۇرۋ جانە باسقارۋ بويىنشا «ASTEX.KZ» جشس, «ACD technology» جشس, «MUDARABAH CAPITAL» جشس جانە «MUSHARAKAH CAPITAL» جشس قىزمەتكەرلەرىنە قاتىستى قىلمىستىق ءىستى تەرگەۋ شەڭبەرىندە الماتى قالاسىنىڭ پوليتسياسى «ACD Tehnology» نەگىزىن قالاۋشى, 50 جاستاعى م. ەسىمدى ازاماتتى ۇستادى.
«باستى تۇلعا – ك. ەسىمدى ازامات ۇستالدى جانە قاماۋعا الىندى. كەيىنىرەك تاعى ەكى كۇدىكتى – ر. ەسىمدى ازاماتشا مەن م. ەسىمدى ازامات ۋاقىتشا ۇستاۋ يزولياتورىنا قامالدى. قىلمىستىق ىسپەن الماتى قالاسى پوليتسيا دەپارتامەنتى تەرگەۋ باسقارماسىنىڭ تەرگەۋشىلەرى اينالىسىپ جاتىر», دەدى الماتى قالالىق پوليتسيا دەپارتامەنتى باستىعىنىڭ ورىنباسارى رۇستەم ءابدراحمانوۆ.
