38 جاستاعى ايەل 5 شىلدە كۇنى تاۋعا جالعىز شىعىپ, جوعالىپ كەتكەن ەدى. ونى ىزدەۋگە قۇتقارۋشىلار مەن ەرىكتىلەر شىعىپ, 8 شىلدەدە ۇلكەن الماتى كولى اۋماعىندا ەس-ءتۇسسىز جاتقان جەرىنەن تاپتى.
تىكۇشاق ارقىلى تاۋدان تۇسىرىلگەن ايەل 6 كۇننەن بەرى جانساقتاۋ بولىمىندە جاتىر.
«ناۋقاستىڭ جاعدايى بىرقالىپتى اۋىر, جانساقتاۋ بولىمىندە جاتىر. ونىڭ دەنساۋلىعىندا ەشقانداي وڭ وزگەرىس بايقالمايدى. تاۋدا دەنەسى ۇسىمەگەن, بىراق اياعىندا جاراقاتتارى بولدى. العاشىندا ەسەڭگىرەگەن كۇيدە بولعان, ءالى سول قالپى. جاعدايى تۇراقتى اۋىر, قاۋىپتى دەپ باعالانۋدا. وڭ وزگەرىستەر جوق», دەدى №7 قالالىق كلينيكالىق اۋرۋحانانىڭ ءباسپاسوز قىزمەتى.
