قوعام • 12 شىلدە، 2021

ورالدا ءوز-وزىنە قىزمەت كورسەتۋ بۇرىشتارى اشىلدى

79 رەت كورسەتىلدى

مەملەكەتتىك قىزمەتتەر قولجەتىمدى بولۋى ءۇشىن ورال قالاسىنىڭ وقۋ ورىندارى، مەملەكەتتىك مەكەمەلەرى جانە «Citycenter» ويىن-ساۋىق ورتالىعىندا وزىنە-ءوزى قىزمەت كورسەتۋ سەكتورلارى اشىلدى، دەپ حابارلايدى Egemen.kz.

«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باتىس قازاقستان وبلىسى بويىنشا فيليالى ديرەكتورى ءنادىر قۇرىمباەۆ وڭىردە كورونوۆيرۋس تارالۋى كۇشەيىپ تۇرعاندىقتان، حالىققا قىزمەت كورسەتۋ ورتالىقتارىنا بالاما بولاتىن بۇرىشتاردى كوبىرەك اشۋ جونىندە تاپسىرما بەردى.

«اقپاراتتىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ جانە وبلىس اكىمى عالي ەسقاليەۆتىڭ تىكەلەي تاپسىرماسى بويىنشا وزىنە- ءوزى قىزمەت كورسەتۋ سەكتورلارى ورال قالاسىنىڭ ءار اۋماعىنان اشىلىپ وتىر. بۇل سەكتورلار حالىققا قىزمەت كورسەتۋ بولىمدەرىنە جۇگىنبەستەن، ەلەكتروندىق قىزمەتتەردى ءوز بەتىمەن الۋعا مۇمكىندىك بەرەدى. سول ارقىلى حقو بولىمدەرىندە ادامداردىڭ كوپتەپ جينالۋىن بولدىرماۋدى كوزدەپ وتىرمىز»، دەدى ن.قۇرىمباەۆ.

ايتا كەتەيىك، اۋداندىق حالىققا قىزمەت كورسەتۋ بولىمدەرىندە وزىنە-ءوزى قىزمەت كورسەتۋ بۇرىشى بۇرىننان بار. اۋىلدىق وكرۋگتەردە ەلەكتروندىق قىزمەتتى جەرگىلىكتى اكىمدىكتە الۋعا بولادى.

بۇگىندە وزىنە-ءوزى قىزمەت كورسەتۋ سەكتورلارى دۇيسەنبى-جۇما كۇندەرى تاڭعى ساعات 9.00-دەن كەشكى 18.00-گە دەيىن اشىق بولادى.

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار