وليۆە ۆەران فرانتسيا راديوسىنا بەرگەن سۇحباتىندا شىلدە ايىنان باستاپ ەلدە ۆيرۋس جۇقتىرۋ وقيعالارىنىڭ سانى قايتا ءوسىپ جاتقانىن, بىراق COVID-19 دياگنوزى قويىلعان پاتسيەنتتەردى اۋرۋحاناعا جاتقىزۋ كورسەتكىشى ازىرگە تومەندەپ وتىرعانىن مالىمدەدى.
فرانتسيا اۋرۋ جۇقتىرۋ ءوسىمىن COVID-19 دەلتا شتامىنىڭ تارالۋىمەن بايلانىستىرىپ وتىر.
«ەگەر وسىنداي ءۇردىس ساقتالسا, بۇل اۋرۋحاناعا جاتقىزۋ كولەمىنىڭ وسىمىنە اكەلەدى», دەپ ەسكەرتتى مينيستر وليۆە ۆەران.
فرانتسيا بيلىگى پاندەميانىڭ جاڭا تولقىنىنىڭ جاقىنداۋىن باسەڭدەتىپ, قاتاڭ كارانتيندى بولدىرماس ءۇشىن تۇرعىنداردى ۆاكتسينالاۋدى تەزدەتۋ قاجەت دەپ ساناپ وتىر.
بۇگىن فرانتسيا پرەزيدەنتى ەممانيۋەل ماكرون قورعانىس كەڭەسىنىڭ وتىرىسىن وتكىزىپ, وندا دەنساۋلىق ساقتاۋ سالاسى قىزمەتكەرلەرىن مىندەتتى ۆاكتسينالاۋ ماسەلەسى ورتاعا سالماق.
10 شىلدەدە فرانتسيادا COVID-19 ۆيرۋسىن جۇقتىرۋدىڭ 4696 جاڭا فاكتىسى تىركەلگەن, بۇل ءبىر اپتا بۇرىن تىركەلگەن كورسەتكىشتەن (3006) ءبىر جارىم ەسە كوپ.
