سولتۇستىك قازاقستان وبلىسى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىندا تسەرەبرالدى سال اۋرۋى بار بالانىڭ ولىمىنە قاتىستى ءىس بويىنشا ۇكىم شىعارىلدى. قىزدىڭ ولىمىنە اناسىنىڭ ارەكەتى سەبەپ بولعان.
سوت قر قك-ءنىڭ 106-بابى 3-بولىگى بويىنشا ناقتى باس بوستاندىعىنان ايىرۋ تۇرىندە جازا تاعايىندادى.
«گولەشەۆا قىلمىستىق قۇقىق بۇزۋشىلىق جيىنتىعى بويىنشا 10 جىل جانە 6 ايعا باس بوستاندىعىنان ايىرىلا وتىرىپ, جازاسىن ورتاشا قاۋىپسىزدىك مەكەمەسىندە وتەسىن», دەدى سۋديا ءاليا جۇماباەۆا.
بالانىڭ اناسى ماڭىزدى ءمان-جايلاردى جاسىرعان, دەپ ءتۇسىندىردى ءاليا جۇماباەۆا ۇكىم شىعارىلعاننان كەيىن. وسىعان بايلانىستى سۋديا ايەل جاساعان ارەكەتى ءۇشىن شىنايى وكىنەتىنىنە كۇمان كەلتىردى.
وقيعانىڭ ءمان-جايى تۋرالى بالانى سەنىمحات بويىنشا اسىراۋىنا العان تاتيانا زاحاروۆا ايتىپ بەردى. اناسى بالانى سابيلەر ۇيىنە تاپسىرعاننان كەيىن تاتيانا ونى ءوز قامقورلىعىنا العان. تاتيانا زاحاروۆا بالانىڭ اناسىن ايىپتاپ وتىر.
«بالانى قالاي شاشىنان ۇستاپ تارتۋعا بولادى؟ مەن ونى تۇسىنبەيمىن. ءومىر بويىنا بوستاندىعىنان ايىرىلسىن. مۇنداي ادامدار بالالى بولماۋى كەرەك. وعان 10,5 جىل بەرىلدى, ال بالا ءولىپ قالدى. ونىڭ بولاشاعى جوق, ول ءبىرىنشى سىنىپقا بارمايدى», دەيدى قىزدىڭ قامقورشىسى تاتيانا زاحاروۆا.
سوت ەكاتەرينا گولىشەۆامەن ازاماتتىق نەكەدە تۇراتىن ەر ادامنىڭ بالانى ۇرعانىن دالەلدەي المادى.
