ەلوردا • 08 شىلدە، 2021

ەسىل وزەنىندە تازارتۋ جۇمىستارى جۇرگىزىلۋدە

100 رەت كورسەتىلدى

ەلوردانىڭ كوممۋنالدىق قىزمەتتەرى ەسىل وزەنى مەن ونىڭ سالالارى – اقبۇلاق جانە سارىبۇلاق سۋ ايدىنىن تازارتۋ جۇمىستارىن جۇيەلى تۇردە جۇرگىزۋدە، دەپ حابارلايدى Egemen.kz.

«ەسىل وزەنىنىڭ اۋماعى مەن ونىڭ سالالارى – اقبۇلاق جانە سارىبۇلاق ارنالارىنىڭ ايدىنىن، جاعاسىن تازارتۋ جۇمىسى تۇراقتى تۇردە جۇرگىزىلۋدە. بريگادا جۇمىسشىلارى وزەندى ءتۇرلى قوقىستاردان، ارتىق وسىمدىكتەردەن تازارتادى»، دەدى قورشاعان ورتانى قورعاۋ جانە تابيعات پايدالانۋ باسقارماسىنىڭ ءبولىم باسشىسى جىگەر ساتتاروۆا.

«استانا سۋ ارناسى» مكك ەسىل وزەنىنىڭ ارناسى – اقبۇلاققا سورعى-سۇزگى ستانتسياسىنان شايىندى سۋ اعىزاتىنىن ايتتى. ماماندار بۇل سۋ تازا جانە قالا تۇرعىندارى مەن قوناقتارى ءۇشىن قاۋىپسىز ەكەنىن ءمالىم ەتتى.

«استانا سۋ ارناسى» مكك سورعى-ءسۇزۋ ستانتسياسى ەكولوگيا دەپارتامەنتىنەن ەميسسياعا جانە باسسەيندىك ينسپەكتسياسىنىڭ رۇقساتى بويىنشا اقبۇلاق وزەنىنە شايىندى سۋ اعىزادى. سۋدى اعىزۋ بەلگىلەنگەن نورماتيۆ بويىنشا جۇرگىزىلەدى. ماۋسىم ايىندا ەكولوگيا دەپارتامەنتى سۋ سىنامالارىن جۇرگىزىپ، جوسپاردان تىس تەكسەردى، ونىڭ نەگىزىندە بەلگىلەنگەن نورمادان اسىپ كەتۋ انىقتالعان جوق»، دەپ ءتۇسىندىردى «استانا سۋ ارناسى» مكك سورعى-ءسۇزۋ ستانتسياسىنىڭ جەتەكشى ينجەنەر-تەحنولوگى تاتيانا سمولكوۆا.

«استانا سۋ ارناسى» مكك مالىمەتى بويىنشا اقبۇلاق وزەنىنە سورعى-ءسۇزۋ ستانتسياسىنان اعىزىلاتىن سۋ جاعىمسىز ءيىس تۋدىرمايدى. كەرىسىنشە، بۇل سۋ تازا ءارى قاۋىپسىز بولىپ ەسەپتەلەدى.

«استانا سۋ ارناسى» مكك كارىز-تازارتۋ قۇرىلعىلارى كوكتال جانە تالاپكەر تۇرعىن الاپتارىنىڭ اراسىندا، ياعني ەسىل وزەنىنىڭ قالادان تىس اعىسىنا قاراي اعىزىلادى. ال تازارتىلعان سۋدىڭ ساپاسى نورماتيۆكە سايكەس كەلەدى»، دەپ حابارلادى «استانا سۋ ارناسى» مكك باس ينجەنەر-تەحنولوگى فيرۋزا الدىنعۇروۆا.

كاسىپورىن 10 كۇن سايىن اعىزىلاتىن سۋدىڭ ساپاسىنا قاتاڭ باقىلاۋ جۇرگىزىپ وتىرادى.

قالانىڭ نوسەر كارىزىن تازارتۋ بويىنشا «Elorda Eco System» كاسىپورنى جۇيەلى جۇمىس اتقارۋدا. وعان كۇن سايىن 25-تەن استام ارنايى تەحنيكا مەن 80-گە جۋىق جول جۇمىسشى جۇمىلدىرىلادى.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار