قازاقستاندىقتاردى تولعاندىراتىن وزەكتى دە ءتۇيىندى ماسەلەلەردى تالقىلاۋعا جانە پارتيانىڭ «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن جەرگىلىكتى جەرلەردە ىسكە اسىرۋ ساپاسىن تالداۋعا ەرەكشە نازار اۋدارىلادى, دەپ حابارلادى Nur Otan پارتياسىنىڭ ءباسپاسوز قىزمەتى.
نۇروتاندىق دەپۋتاتتار وبلىس جانە اۋدان ورتالىقتارىنا عانا ەمەس, شالعاي ەلدى مەكەندەرگە دە بارادى. ءار ءوڭىردىڭ وزەكتى ماسەلەلەرىن ەگجەي-تەگجەيلى قاراستىرۋ ءۇشىن كاسىپورىنداردىڭ, دەنساۋلىق ساقتاۋ, ءبىلىم بەرۋ مەكەمەلەرىنىڭ ەڭبەك ۇجىمدارىمەن كەزدەسۋلەر جوسپارلانعان. سونىمەن قاتار, حالىق قالاۋلىلارى ازاماتتاردى قابىلداۋ وتكىزەدى.
جالپى حالىق قالاۋلىلارى سايلاۋشىلارمەن مىڭنان استام كەزدەسۋ وتكىزەدى. ولار ەكى كەزەڭدە: وسى جىلدىڭ 7-16 شىلدەسى مەن 19-28 تامىزى ارالىعىندا وتەدى. كەزدەسۋلەر بارلىق سانيتارلىق تالاپتاردى ساقتاي وتىرىپ وتكىزىلەتىن بولادى.
«ەگەمەن-اقپارات»
