سپورت • 04 شىلدە، 2021

«قازاقستان بارىسى» ءتۋرنيرىنىڭ جەڭىمپازى بەلگىلى بولدى

137 رەت كورسەتىلدى

4 شىلدە كۇنى نۇر-سۇلتان قالاسى، جاقسىلىق ۇشكەمپىروۆ اتىنداعى جەكپە-جەك سارايىندا قازاقستان رەسپۋبليكاسىنىڭ تۇڭعىش پرەزيدەنتى-ەلباسى ن.ءا.نازارباەۆتىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق ءتۋرنيرى ءوتتى، دەپ حابارلايدى Egemen.kz.

تۋرنير قازاقستان رەسپۋبليكاسىندا ۇلتتىق سپورت تۇرلەرىن دامىتۋ ارقىلى سالاۋاتتى ءومىر سالتىن قالىپتاستىرۋ قاعيداتتارىن ناسيحاتتاۋ، جاستاردى ۇلتتىق سپورت تۇرلەرىمەن شۇعىلدانۋعا تارتۋ ارقىلى ولاردىڭ بويىندا وتانسۇيگىشتىك سەزىمدى قالىپتاستىرۋ، قازاق كۇرەسىن وركەندەتۋ ارقىلى ونى ۇلتتىق يدەيا دەڭگەيىنە جانە حالىقارالىق ارەناداعى بەدەلىن كوتەرۋ ماقساتىندا وتكىزىلدى. ون جىل بويى ۇزدىكسىز ءوتىپ، ميلليونداعان كورەرمەندەردىڭ سۇيىكتى جوباسىنا اينالعان «قازاقستان بارىسى» ءتۋرنيرى ۇلتتىق قۇندىلىقتاردىڭ توعىسقان ارناسى.

ءتۋرنيردىڭ قۇرمەتتى قوناقتارى رەتىندە قازاقستان رەسپۋبليكاسى پرەزيدەنتى   اكىمشىلىگى باسشىسىنىڭ ءبىرىنشى ورىنباسارى د.اباەۆ، قر مادەنيەت جانە سپورت ءمينيسترى  ا.رايىمقۇلوۆا جانە نۇر-سۇلتان قالاسىنىڭ اكىمى ا.كولگىنوۆ قاتىسىپ، بالۋاندارعا ساتتىلىك تىلەدى.

ى

ونىنشى رەت وتكەن باسەكەگە ەلىمىزدىڭ 14 وبلىسىنان، الماتى، شىمكەنت، نۇر-سۇلتان قالالارىندا ىرىكتەۋدەن وتكەن 36 ۇزدىك بالۋان قاتىستى، ونىڭ ىشىندە كۇشتىك قۇرىلىمدار اراسىندا وتكەن «اسكەر بارىسى» ءتۋرنيرىنىڭ  جەڭىمپازدارى دا بار. قاتىسۋشى بالۋانداردىڭ 11-ءى جوبادا تۇعىش رەت باق سىنادى. بالۋاندار Qazaq kuresi اسسوتسياتسياسى بەكىتكەن ەرەجەگە ساي كۇرەستى.

ۆ

ءتۋرنيردىڭ ەڭ اۋىر سالماقتى بالۋانى ە.قاجىباەۆ 155 كەلى بولسا، ەڭ جەڭىل سالماقتا ەرسۇلتان مۇزاپپاروۆ 90 كەلى بولدى. اقتىق بەلدەسۋدە شىعىس قازاقستان وبلىسى مەن جامبىل وبلىسىنىڭ بالۋانى كەزدەسىپ، بابى مەن باعى تەڭ تۇسكەن داۋرەن نۇرالينوۆ (شقو) – «قازاقستان بارىسى» اتاندى. ال كۇمىس بەلبەۋدى عالىمجان قىرىقباي يەلەنسە، قولا بەلبەۋدى ماڭعىستاۋلىق نۇرداۋلەت جارىلعاپوۆ جەڭىپ الدى.

ى

شارا اياسىندا سپورتتىق سايىستارمەن قاتار ر.ستامعازيەۆ، ق.راحىم، «الاتاۋ سەرىلەرى» ەتنو-توبى ءان شىرقاپ، تىكەلەي ەفيردە ۇلتتىق كۇرەس جانكۇيەرلەرىنىڭ كوڭىلىن كوتەردى.

ءتۋرنيردى قر مادەنيەت جانە سپورت مينيسترلىگى، «نۇر-وتان» پارتياسى، نۇر-سۇلتان قالاسى اكىمدىگىنىڭ قولداۋىمەن Qazaq kuresi اسسوتسياتسياسى جانە «Qazaqstan Barysy» قازاق كۇرەسىن قولداۋ جانە دامىتۋ قورى ۇيىمداستىردى. سونداي-اق، «قازاقتەلەكوم» اق مەن «Magnum» قازاقستانداعى №1 ساۋدا-بولشەك جەلىسى دەمەۋشىلىك جاسادى.

ۆ

ونىنشى بارىسقا 25 000 000 تەڭگە جانە التىن بەلبەۋ مەن التىننان قۇيىلعان اۋىسپالى «تايتۇياقتى» Qazaq kuresi اسسوتسياتسياسى ءبىرىنشى ۆيتسە-پرەزيدەنتى سامات ءابىش تابىستادى. ەكىنشى ورىن يەگەرى جامبىل  وبلىسىنىڭ بالۋانىنا 5 500 000 تەڭگە جانە كۇمىس بەلبەۋ بەرىلدى. ء ۇشىنشى ورىن العان ماڭعىستاۋ وبلىسىنىڭ بالۋانى جارىلعاپوۆ نۇرداۋلەت 1 800 000 تەڭگە، سايكەسىنشە قولا بەلبەۋمەن ماراپاتتالدى.

ى

بالۋانداردى ماراپاتتاۋ راسىمىنە قازاقستاننىڭ جاۋىنگەرلىك ونەر اسسوتسياتسياسىنىڭ پرەزيدەنتى ءانۋار سادىقۇلوۆ، قازاقستاننىڭ جاۋىنگەرلىك ونەر اسسوتسياتسياسىنىڭ ءبىرىنشى ۆيتسە-پرەزيدەنتى مالىك مۋرزالين، Qazaq kuresi اسسوتسياتسياسى باس حاتشىسى،»Qazaqstan Barysy» قازاق كۇرەسىن قولداۋ جانە دامىتۋ قوعامدىق قورى قامقورشىلىق كەڭەسىنىڭ توراعاسى قۋانىشبەك ەسەكەەۆ، نۇر-سۇلتان قالاسى دەنە شىنىقتىرۋ جانە سپورت باسقارماسىنىڭ باسشىسى سامات ەرعاليەۆ جانە «قازاقستان بارىسى» جوباسىنىڭ باس دەمەۋشىسى، ماگنۋم ساۋدا جەلىسىنىڭ باسقارما توراعاسى ازامات وسمانوۆ قاتىسىپ، جارىس جەڭىمپازدارى مەن جۇلدەگەرلەرىن ارنايى ماراپاتتادى.

سوڭعى جاڭالىقتار

ەلوردا «قىزىل» ايماقتان شىقتى

كوروناۆيرۋس • بۇگىن، 09:22

الەم چەمپيوناتى باستالدى

سپورت • بۇگىن، 09:09

قۇندى ەرتوقىم

ەلوردا • بۇگىن، 09:05

تىڭ سەرپىلىس بايقالمايدى

سپورت • بۇگىن، 08:59

اسەرلى «ادەبيەت كۋرستارى»

وقيعا • بۇگىن، 08:54

تاۋەلسىزدىك تاعىلىمى

تاۋەلسىزدىكتىڭ 30 جىلدىعى • بۇگىن، 08:52

ون ءبىرىنشى پالاتا

مەديتسينا • بۇگىن، 08:45

جارقىننىڭ جاقسىلىعى

ايماقتار • بۇگىن، 08:39

تىلسىم كۇشپەن ءتىل تابىسقان

تاريح • بۇگىن، 08:36

قىلقالام ۇشىنداعى قۇدىرەت

ونەر • بۇگىن، 08:35

قازاقستان دالاسى قۇرعاپ بارادى

ەكولوگيا • بۇگىن، 07:55

قۇمعا سىڭگەن سۋداي سۋبسيديا

قوعام • بۇگىن، 07:49

دۇبىردەن تۋعان ولەڭ

ادەبيەت • بۇگىن، 07:39

كۇلكىنى ازايتساق قايتەدى؟

قوعام • بۇگىن، 07:39

جانى جايساڭ جاز-اتا

قوعام • كەشە

ۇقساس جاڭالىقتار