كوروناۆيرۋس • 02 شىلدە، 2021

«دەلتا» شتامى ەلىمىزدىڭ بارلىق وڭىرىنەن انىقتالدى – دسم

237 رەت كورسەتىلدى

دەنساۋلىق ساقتاۋ مينيسترلىگى كۆي ناۋقاستارىنان الىنعان وڭ زەرتحانالىق ۇلگىلەردىڭ پتر سكرينينگىن وتكىزدى، دەپ حابارلايدى Egemen.kz

2021 جىلدىڭ 1 شىلدەسىنە ءۇندى شتامىن انىقتاۋ ءۇشىن 414 سىنامانىڭ پتر سكرينينگى وتكىزىلدى. ناتيجەسى بويىنشا 48،3% ءۇندى شتامى بارلىق وبلىس پەن نۇر-سۇلتان، الماتى، شىمكەنت قالالارىندا تابىلدى.

مۋتاتسيانىڭ بولۋىن جانە ونىڭ «دەلتا» شتامىنا جاتاتىندىعىن تۇپكىلىكتى راستاۋ ۇلگىسىنىڭ دنق تولىق گەنومدىق رەتتىلىگى اياقتالعاننان كەيىن انىقتالادى.

دەلتا شتامىن جۇقتىرعان ناۋقاستاردا اۋرۋدىڭ تەز دامۋى، جاس ناۋقاستار سانىنىڭ كوبەيۋى، ىشەك اۋرۋلارى بەلگىلەرىنىڭ بولۋى بايقالدى. سونداي-اق بالالار مەن جۇكتى ايەلدەر اراسىنداعى جاعداي ءماز ەمەس.

وسىعان بايلانىستى دەنساۋلىق ساقتاۋ مينيسترلىگى قازاقستاندىقتاردان ءوزىنىڭ جانە جاقىندارى مەن تۋىستارىنىڭ دەنساۋلىعىنا قامقورلىق تانىتۋىن سۇرايدى.

ينفەكتسيادان قورعاۋدىڭ جالعىز ءادىسى - COVID-19-عا قارسى ۆاكتسيناتسياسى.

سونىمەن قاتار ۆيرۋستىڭ تارالۋ قاۋپىن ازايتۋ ءۇشىن ماسكا تاعۋ، الەۋمەتتىك قاشىقتىقتى ساقتاۋ، قول گيگيەناسى، ءۇي-جايلاردى جەلدەتۋ جانە ت. ب. الدىن الۋ شارالارىن ساقتاۋ قاجەت: 

دۇنيەجۇزىلىك دەنساۋلىق ساقتاۋ ۇيىمىنىڭ دەرەكتەرىنە سۇيەنسەك، 2021 جىلعى 1 شىلدەدەگى جاعداي بويىنشا «دەلتا» SARS-CoV-2 شتامى الەمنىڭ 96 ەلىندە انىقتالعان.

سوڭعى جاڭالىقتار

الماتىدا تروللەيبۋس ورتەندى

وقيعا • 24 ماۋسىم، 2022

تۇركپا-نىڭ اتاۋى وزگەرەدى

پارلامەنت • 24 ماۋسىم، 2022

ۇقساس جاڭالىقتار