ءوتىنىش بەرەر الدىندا «وتباسى بانك» اق-دا تولەم قابىلەتتىگىن راستاۋى قاجەت.
2021 جىلى تۇرعىن ءۇي سەرتيفيكاتتارىن بەرۋگە 2 ملرد تەڭگە ءبولىندى. سەرتيفيكاتتار كەزەكتە تۇرعان 2 000 ادامنىڭ باستاپقى جارناسىنىڭ ءبىر بولىگىن جابادى. 1 جانە 2 توپتاعى مۇگەدەكتەر, مۇگەدەك بالالارى بار نەمەسە ولاردى تاربيەلەپ وتىرعان وتباسىلار, جەتىم بالالار مەن اتا-اناسىنىڭ قامقورلىعىنسىز قالعان بالالار, كوپبالالى وتباسىلار قايتارىمسىز نەگىزدە 1 ملن تەڭگە سوماسىنا تۇرعىن ءۇي سەرتيفيكاتتارىن الا الادى.
سەرتيفيكاتقا يە بولۋ ءۇشىن وتىنىشكە جەكە كۋالىك, سوڭعى التى ايداعى تابىسى تۋرالى انىقتاما, جۇمىس ورنىنان انىقتاما, بانكتىڭ تۇرعىن ءۇي زاەمىن بەرۋدى ماقۇلداۋ تۋرالى حاتى قوسا بەرىلىپ, تۇرعىن ءۇي ساياساتى باسقارماسىنا جۇگىنۋ قاجەت.
«قۇجاتتار قاعاز بۋماسىمەن قابىلدانادى. تۇرعىن ءۇي سەرتيفيكاتىن بەرۋ نەمەسە بەرۋدەن باس تارتۋ تۋرالى حابارلاما ءۇش جۇمىس كۇنى ىشىندە جىبەرىلەدى. الەۋمەتتىك كومەك تۇرىندەگى تۇرعىن ءۇي سەرتيفيكاتى ءوتىنىم بەرۋشىمەن بىرگە تۇراتىن وتباسى مۇشەلەرىندە سوڭعى التى ايدا ەڭبەك نەمەسە كاسىپكەرلىك قىزمەتتەن تۇسەتىن, وتباسىنىڭ ءاربىر مۇشەسىنە اعىمداعى قارجى جىلىنا زاڭنامادا بەلگىلەنگەن ايىنا ەڭ تومەنگى كۇنكورىس دەڭگەيىنىڭ 3,1 ەسەلەنگەن كورسەتكىشىنەن, ياعني 106 336 تەڭگەدەن اسپايتىن ورتاشا تابىسى بولعان جاعدايدا بەرىلەدى», دەپ حابارلادى تۇرعىن ءۇي ساياساتى باسقارماسىنان.
ءوتىنىم بارلىق تالاپتارعا ساي بولىپ, سەرتيفيكات تابىستاۋ ماقۇلدانعان جاعدايدا تۇرعىن ءۇي سەرتيفيكاتىنىڭ سوماسىن اۋدارۋدىڭ ەڭ ۇزاق مەرزىمى بەس جۇمىس كۇنىن قۇرايدى.
