نۇرلان نوعاەۆ ءوز بايانداماسى شەڭبەرىندە كەڭەس قاتىسۋشىلارىن قازاقستاننىڭ ەلەكتر ەنەرگەتيكاسى سالاسىنداعى سوڭعى وزگەرىستەرىمەن تانىستىردى.
اتاپ ايتقاندا, 2020 جىلدىڭ جەلتوقسانىندا قازاقستان قابىلداعان «ەلەكتر ەنەرگەتيكاسى تۋرالى» زاڭعا ەنگىزىلگەن وزگەرىستەر جونىندە ايتىپ بەردى. تۇزەتۋلەر شەڭبەرىندە گەنەراتسيانىڭ مانەۆرلىك رەجيمى بار گەنەراتسيالايتىن قوندىرعىلاردىڭ قۇرىلىسىنا اۋكتسيوندىق تەتىك ەنگىزىلدى.
«بيىلعى جىلدىڭ جەلتوقسانىندا قۋاتى شامامەن 1000 مۆت بولاتىن الەۋەتى جوعارى جوبالار بويىنشا اۋكتسيوندىق ساۋدا-ساتتىق ۇيىمداستىرۋ جوسپارلانىپ وتىر», دەپ اتاپ ءوتتى قر ەنەرگەتيكا ءمينيسترى نۇرلان نوعاەۆ وتىرىس بارىسىندا.
سونداي-اق ەنەرگەتيكا ءمينيسترى 2021 جىلدىڭ سوڭىنا دەيىن جەك قۋاتىن اعىمداعى 1800مۆت-تان 2100 مۆت-قا دەيىن ارتتىرۋ بويىنشا قازاقستاننىڭ جوسپارلارى تۋرالى حابارلادى.
قر ەنەرگەتيكا ءمينيسترى ن. نوعاەۆتىڭ ايتۋىنشا, 2020 جىلى قازاقستاندا ەلەكتر ەنەرگەتيكاسىن ءوندىرۋ 108 ملرد كۆت/ساع قۇرادى, ال 2021 جىلدىڭ قورىتىندىسى بويىنشا 109 ملرد كۆت/ساع. ءوندىرۋ كۇتىلۋدە.
وتىرىس شەڭبەرىندە ۇيلەستىرۋ كەڭەسى تۋرالى ەرەجە, تمد ەلدەرىنىڭ ەلەكتر ەنەرگەتيكاسى كەڭەسىنىڭ رەگلامەنتى بەكىتىلدى, تمد ەلدەرى ەلەكتر ەنەرگەتيكاسى كەڭەسىنىڭ 2020 جىلعا ەسەبى تىڭدالدى, ەلەكتر ەنەرگەتيكاسى كەڭەسىنىڭ 2021 جىلعا ارنالعان ءىس-شارالار جوسپارى وزەكتەندىرىلدى.
