كارانتيندىك تالاپتاردىڭ ساقتالۋىن انىقتايتىن مونيتورينگتىك توپتاردىڭ جۇمىسى كۇشەيتىلىپ, تاۋلىك بويعى رەجيمگە اۋىستىرىلدى.
ەگەر مەيرامحانالاردا/كافەلەردە جانە باسقا دا مەكەمەلەردە ءىس-شارالار وتكىزىلسە, ول نىساننىڭ جۇمىسى توقتاتىلاتىن بولادى.
سونىمەن قاتار, 4 شىلدەدەن باستاپ «Ashyq» جوباسى بويىنشا جۇمىس ىستەيتىن تاماقتانۋ ورىندارىنىڭ (مەيرامحانالار, كافەلەر) ۋاقىتى 02:00-دەن 22:00-گە دەيىن (جابىق جەرلەردە), ال سىرتتا, ياعني ەسىك الدىندا جۇمىس ىستەيتىن تاماقتانۋ ورىندارىنىڭ ۋاقىتى 02:00-دەن 00:00-گە دەيىن قىسقارادى.
سونداي-اق, جەكسەنبى كۇندەرى قوعامدىق كولىكتىڭ جۇمىسى توقتاتىلادى. بۇل كۇنى اۆتوبۋستار دەزينفەكتسيالانادى.
«Ashyq» جوباسىن قولدانبايتىن فيتنەس-ورتالىقتاردىڭ (يوگا ورتالىقتارى, ت.ب.) جۇمىسى اپتانىڭ بارلىق كۇنىندە دە توقتاتىلادى. ال Ashyq جوباسى بويىنشا ىستەيتىن فيتنەس-ورتالىقتار (يوگا ورتالىقتارى, ت.ب.) دۇيسەنبى-جۇما كۇندەرى جۇمىس ىستەسە, دەمالىس كۇندەرى توقتاتىلادى.
قالادا قاتاڭ كارانتيندىك شارالاردى ەنگىزبەس ءۇشىن ۇجىمدىق يممۋنيتەتتى دامىتۋ قاجەت. ال ۇجىمدىق يممۋنيتەتتىڭ ۇلەسى 60%-دان اسۋى ءتيىس. قازىر قالادا ۆاكتسينانىڭ ءبىرىنشى كومپونەنتىن 229 مىڭنان استام ادام الدى. مەديتسينا قىزمەتكەرلەرىنىڭ 90%-دان استامى, ال كوممۋنالدىق قىزمەتكەرلەردىڭ 70%-دان استامى كوروناۆيرۋسقا قارسى ەگىلدى.
ۆاكتسيناتسيا عانا ءوز دەنساۋلىعىڭىزدى, جاقىندارىڭىز بەن اينالاڭىزداعى جۇرتتىڭ دەنساۋلىعىن قورعاۋعا مۇمكىندىك بەرەدى.
ەستەرىڭىزگە سالا كەتەيىك, 2 شىلدەدەن باستاپ قالانىڭ باس مەملەكەتتىك سانيتارلىق دارىگەرى سارحات بەيسەنوۆانىڭ ەلوردا كۇنىنە ارنالعان بۇقارالىق ءىس-شارالارعا تىيىم سالۋ تۋرالى قاۋلىسى كۇشىنە ەنەدى. جابىق مەكەمەلەردەگى ءىس-شارالاردىڭ بارىنە تىيىم سالىنادى (Ashyq جوباسىنىڭ ءتارتىبى بويىنشا تەاترلاردىڭ 20%-دان اسپايتىن تولۋىن ەسەپكە الماعاندا).
سونداي-اق ساياباق اۋماعىندا ورنالاسقان اشىق اۋاداعى اتتراكتسيونداردىڭ بارلىق ءتۇرىنىڭ جۇمىسىنا تىيىم سالىنادى.
